اقتاۋ قالاسىنداعى نازارباەۆ زياتكەرلىك مەكتەبىنىڭ وقۋشىلارىنىڭ اتا-انالارى «مەنىڭ ومىرىمدە قولدانىلاتىن ماقال-ماتەلدەر» اۆتورلىق جوباسىنا بەلسەندى قاتىسۋدا. وتباسىندا اتا-انالار مەن بالالار ماقال-ماتەل ايتۋ ارقىلى قازاقتىڭ ناقىل سوزدەرىن ۇرپاق ساناسىنا سىڭىرۋدە. بۇل تۋرالى اتالعان مەكتەپتىڭ ءباسپاسوز قىزمەتى حابارالدى.
- قازىرگى تاڭدا ءوسىپ كەلە جاتقان جاس ۇرپاققا ماقالدىڭ ماڭىزىن تۇسىندىرۋدەن بۇرىن كىتاپ وقىتۋدىڭ ءوزى قيىن ەكەنى راس. سول سەبەپتى دە ءبىز جوبانى قىزىقتى وتكىزۋ ءۇشىن اتا-انالاردىڭ كومەگىنە جۇگىنۋدى ۇيعاردىق. «نازارباەۆ زياتكەرلىك مەكتەپتەرى» دببۇ بيىلعى وقۋ جىلىندا باستاعان جوباسى كيەلى ماڭعىستاۋ ءوڭىرىنىڭ وتباسىلارىندا قولداۋ تاپتى, - دەيدى ءبىلىم ورداسىنىڭ اعا پەداگوگ-كۋراتورى لياززات بايرعاليەۆا.
ونىڭ سوزىنشە, وتباسى مۇشەلەرى ءوزارا جارىسىپ قانا قويماي, جوبانى سىنىپتار اراسىنداعى چەللەندجگە اينالدىرىپتى. جۇرەككە جىلى تيەتىن بەينەماتەريالدار دايىنداپ, حالىق دانالىعىن زاماناۋي ۇلگىدە كورسەتۋگە دە اتسالىسىپ جاتقان كورىنەدى.
ماڭعىستاۋ وبلىسى