سوڭعى تاۋلىكتە تىنشىپ قالعانداي كورىنگەن ۆيرۋسقا قىزىلوردادان بۇگىن تاعى 3 ادام شالدىعىپتى. ءبىر قۋانارلىعى, بۇرىنعىداي دەرتتى توپتاپ جۇقتىرۋدىڭ بەتى قايتقان سياقتى. بۇل ءتۇرلى شەكتەۋ شارالارى مەن مامانداردىڭ تىنىمسىز جۇمىسىنىڭ ناتيجەسى.
وڭىرلىك كوممۋنيكاتسيالار قىزمەتى الاڭىندا بريفينگ وتكىزگەن وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ جاڭادان تىركەلگەن ناۋقاستار جايلى تاراتا ايتتى.
- ءۇش ناۋقاستىڭ بىرەۋى جاڭاقورعان اۋدانىنان, ال ەكەۋى شيەلىدەن تىركەلىپ وتىر. بۇلار بۇرىن ناۋقاسپەن قارىم-قاتىناستا بولعاندار رەتىندە كارانتيندىك باقىلاۋعا الىنعان. قازىر ۇشەۋى دە اۋرۋحاناعا جاتقىزىلىپ, ءتيىستى ەمدەۋ شارالارى باستالدى. وسىمەن وبلىستا ۆيرۋس جۇقتىرعاندار سانى 119-عا جەتتى, – دەدى وبلىستىڭ باس دارىگەرى.