«دارىلىك وسىمدىكتەردى عىلىمي زەرتتەۋ ورتالىعى» جانە العاشقى ناتيجەلەر

مۇنداي ورتالىق قۇرۋداعى كوزدەلەگەن ماقسات بىلگىلى – قازاقستاندا وسەتىن دارىلىك وسىمدىكتەردى زەرتتەۋ. ياعني, عىلىمي ورتالىقتىڭ ناتيجەلى جۇمىسى ەلىمىزدە كوپتەگەن ءتۇيىندى ماسەلەلەردى وڭتايلى شەشۋگە مۇمكىندىك بەرەدى. اتاپ ايتقاندا, ءوز ەلىمىزدە وسەتىن دارىلىك وسىمدىكتەردى پايدالانۋ ارقىلى كوپتەگەن اسەرلى,تابيعي نەگىزدەگى دارىلىك زاتتاردىڭ, ونىڭ ىشىندە سىرتتان يمپورتتالىپ جاتقان كوپتەگەن دارىلەردىڭ وزىمىزدە وندىرىلۋىنە مۇمكىندىك اشىلادى. ورتالىق ەلىمىزدىڭ مەديتسينا سالاسىنىڭ وركەندەۋىنە دە, ەل ەكونوميكاسىنىڭ دامۋىنا دا ۇلكەن ۇلەس قوسارى داۋسىز.

عىلىمي ورتالىق كورشىلەس ەلدەردىڭ عالىمدارىمەن دە بىرلەسە جۇمىس اتقارىپ وتىر. اتاپ ايتقاندا, 2019 جىلدىڭ 14 ماۋسىمىندا وزبەكستاننىڭ اكادەميك س.يۋ.يۋنۋسوۆا باسقاراتىن «وسىمدىك زاتتار حيمياسى» ينستيتۋتىمەن بىرلەسكەن زەرتتەۋ جۇمىستارىن جۇرگىزۋ جونىندە كەلىسىم-شارت جاسالدى.

وسىنىڭ الدىندا, 2019 جىلى 20 مامىردا اتالعان عىلىمي ورتالىقتىڭ شاقىرۋىمەن ءال-فارابي اتىنداعى قازاق ۇلتتىق ۋنيۆەرسيتەتىنە قحر عالىمدارى كەلدى.

قىتاي عىلىمدارى اكادەمياسى شانحاي دارىلىك پرەپاراتتاردى زەرتتەۋ ينستيتۋتىنىڭ اكادەميكتەرى, اتاپ ايتقاندا قىتاي عىلىم اكادەمياسىنىڭ اكادەميگى YUE JIAN-MIN (Shanghai Institute of Materia Medica, Institute，Chinese Academy of Sciences, China) ءال-فارابي اتىنداعى قازۇۋحيميا جانە حيميالىق تەحنولوگيا فاكۋلتەتىندە «شانحاي دارىلىك پرەپاراتتار» ينستيتۋتىنىڭ عىلىمي جۇمىستارى تۋرالى ءدارىس وقىپ, وزدەرىنىڭ عىلىمي تاجىريبەلەرىمەن ءبولىستى. وسى جولى تابيعي قوسىلىستار حيمياسى سالاسىنداعى الەمنىڭ جەتەكشى عالىمدارىنىڭ قاتىسۋىمەن حالىقارالىق كونفەرەنتسيا وتكىزۋ تۋرالى شەشىم قابىلداندى.

2019 جىلى قاراشا ايىندااتالعان عىلىمي ورتالىقتىڭ حالىقارالىق ىنتىماقتاستىق جۇمىستارى اياسىندا قىتاي عىلىمدارى اكادەمياسىنىڭ سينتسزيان تەحنيكالىق فيزيكا-حيميالىق ينستيتۋتىمەن بىرلەسە وتىرىپ «قازاقستان-قىتاي بىرلەسكەن دارىلىك زاتتار زەرتحاناسى» اشىلدى. سونىمەن بىرگە ءوزارا تۇسىنىستىك تۋرالى مەموراندۋم جاسالدى. «قازاقستان-قىتاي بىرلەسكەن زەرتحاناسى» جەرگىلىكتى شيكىزات پەن ءبىلىم نەگىزىندە قىتاي مەن قازاقستاندا كەڭ تارالعان اۋرۋلاردى ەمدەۋگە قاجەتتى كوسمەتيكالىق قۇرالدار مەن قاۋىپسىز فيتومەديتسينالىق پرەپاراتتاردى ازىرلەۋمەن اينالىسىپ كەلەدى.

جەڭىس جانار تەك زەرتتەۋشى عالىم عانا ەمەس, بىلىكتى وقىتۋشى دا. ول 2019 جىلى «جوو-نىڭ ۇزدىك وقىتۋشىسى» اتاعىنا يە بولدى.  قازىرگى تاڭدا ول ءال-فارابي اتىنداعى قازاق ۇلتتىق ۋنيۆەرسيتەتىنىڭ 5 دوكتورانتىن ءوز سالاسىنىڭ قىر-سىرى بويىنشا تاربيەلەۋدە. جەڭىس جانار عىلىمي جەتەكشىلىك جاسايتىن 3-كۋرس دوكتورانتى ا.ك نۇرلىبەكوۆا قىتاي عىلىمدارى اكادەمياسى شانحاي دارىلىك پرەپاراتتاردى زەرتتەۋ ينستيتۋتىندا ءبىر جىل  عىلىمي تاعىلىمدامادان  ءوتىپ كەلسە, 2-كۋرس دوكتورانتى ايدانا قۇدايبەرگەن قىتاي عىلىمدارى اكادەمياسىنىڭ سينتسزيان تەحنيكالىق فيزيكا-حيميالىق ينستيتۋتىندا عىلىمي تاعىلىمدامادان ءوتتى.

ايدانا وسى جىلى اۆستراليانىڭ گريففيت ۋنيۆەرسيتەتىندەگى دارىلىك وسىمدىكتەردى زەرتتەۋ ينستيتۋتىندا عىلىمي تاعىلىمدامادان وتەدى. سونىمەن قاتار 1-كۋرستىڭۇش دوكتورانتتارى |اقش-تىڭ ميسسيسيپي ۋنيۆەرسيتەتىندە عىلىمي تاعىلىمدامالارىن وتەدى.

الماتى