قىزىلوردا قالاسىنداعى ەپيدەميالوگيالىق احۋالدىڭ كۇردەلەنۋىنە بايلانىستى بۇگىننەن باستاپ كارانتيندىك رەجيمدەگى قوسىمشا شەكتەۋ شارالارى ەنگىزىلدى.
سوعان بايلانىستى قالاداعى قوعامدىق كولىكتەردىڭ ءجۇرۋ ۋاقىتى شەكتەلىپ وتىر. قوعامدىق كولىكتەر ەندى تاڭعى 7:00-9:00, تۇسكى 13:00-15:00, كەشكى 18:00-20:00 ارالىعىندا عانا جۇرەدى.
قالاداعى جانە قالاعا قاراستى ەلدى مەكەندەردەگى (كاسىپكەرلىك نىساندار, مەملەكەتتىك ماڭىزى بار نىساندار جانە جەكە تۇرعىن ۇيلەر) بارلىق قۇرىلىس نىساندارىنىڭ جۇمىسى 12 ساۋىردەن - 22 ساۋىرگە دەيىن توقتايدى.
شەكتەۋ شارالارىنا سايكەس كوروناۆيرۋستىق ىندەتپەن كۇرەسۋگە قاتىستىرىلعان مەكەمەلەردى قوسپاعاندا مەنشىك نىسانىنا قاراماستان بارلىق مەكەمەلەر قىزمەتكەرلەرىنىڭ 80 پايىزى قاشىقتىقتان جۇمىس ىستەۋ رەجيمىنە كوشىرىلەدى.