نۇر-سۇلتان قالاسىنىڭ قوعامدىق كەڭەسى جاستاردى توتەنشە جاعداي كەزىندە قوعامدىق قىزمەتكە بەلسەنە ارالاسىپ, قايىرىمدى ءىس جاساۋعا شاقىردى.
«قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ «بىرلەسە بىلگەن ەل ءبارىن جەڭەدى» اتتى ماقالاسىن جاريالاپ «قوعامدىق قىزمەتتە بىرلەسۋگە شاقىردى». الەم جۇرتىن ابىگەرگە سالعان پاندەميا – ادام ءومىرى مەن ونىڭ قۇندىلىعىنا نازار اۋدارتتى. بۇل باعداردا ەلباسى ءوز تۇجىرىمدارىمەن ءبولىسىپ, جاس ۇرپاقتىڭ الەۋەتىنە سەنىم ارتاتىندىعىن جەتكىزدى. «جاس كەلسە ىسكە» دەمەكشى نۇر-سۇلتان قالاسىنىڭ قوعامدىق كەڭەسى اتىنان بۇگىنگى جاستار بۋىنىڭ توتەنشە جاعداي رەجيمىندە تۋىنداعان قوعامدىق قىزمەتتەرگە بەلسەنە قاتىسۋعا شاقىرامىز», - دەپ اتادى قالالىق قوعامدىق كەڭەس مۇشەلەرى.