بۇگىن كورشىلەس بىرقاتار مەملەكەتتەن كوروناۆيرۋس ينفەكتسياسىن جۇقتىرعاندار سانى كوبەيە ءتۇستى.
وزبەكستاندا كوروناۆيرۋس ينفەكتسياسىن جۇقتىرعان تاعى 47 ادام انىقتالدى. بۇل ەلدە جالپى 504 ادامنىڭ بويىنان ۆيرۋس تابىلعان.
ازەربايجاندا بۇگىن 76 ادامنىڭ كوروناۆيرۋستى جۇقتىرعانى بەلگىلى بولدى. اعزاسىنان ۆيرۋس تابىلعانداردىڭ جالپى سانى 717-گە جەتتى. وعان قوسا, 1 ادام كوز جۇمدى. جالپى ۆيرۋس سالدارىنان قايتىس بولعاندار سانى ‒ 8.
ال قىرعىزستاندا 12 ادامنىڭ ناۋقاس ەكەنى انىقتالدى. وسىلايشا, وسى ەلدە اۋىرعانداردىڭ جالپى سانى 228-گە جەتتى. ۆيرۋس جۇققان 4 ادام قايتىس بولدى.