اۋستريا ەۋروپادا العاشقىلاردىڭ ءبىرى بولىپ كارانتين رەجيمىن جەڭىلدەتپەك. سوعان سايكەس, 14 ساۋىردەن باستاپ كولەمى شامامەن 400 شارشى مەتر بولاتىن دۇكەندەر, سونداي-اق قۇرىلىس تاۋارلارى مەن باعباندارعا ارنالعان تاۋارلار ساتاتىن دۇكەندەر اشىلادى.
ودان ۇلكەنىرەك ساۋدا ورتالىقتارى 1 مامىردا اشىلۋى مۇمكىن. 15 مامىردان باستاپ مەيرامحانالار مەن قوناق ۇيلەر بىرتىندەپ جۇمىستارىن جالعاستىرا باستايدى. دەگەنمەن, قوعامدىق كولىكتە ماسكا كيۋ ازىرگە مىندەتتى بولىپ قالا بەرمەك. مەكتەپتەر مامىر ايىنىڭ ورتاسىنا دەيىن جۇمىس ىستەمەيدى.
ىندەتتىڭ جاڭا تولقىنى قايتا باستالسا, ەل بيلىگى كارانتيننىڭ بارلىق شارالارىن قايتا كۇشەيتەدى.
اۋستريادا كوروناۆيرۋس ينفەكتسياسىن 12 332 ادام جۇقتىرعان, قايتىس بولعاندار سانى – 220.