ۇلتتىق قاۋىپسىزدىك كوميتەتىنىڭ قىزمەتكەرلەرى جۇرگىزگەن جەدەل-تەرگەۋ شارالارى اياسىندا زاڭسىز اقشا العانى ءۇشىن بىرقاتار كەدەن بەكەتىنىڭ قىزمەتكەرلەرى ۇستالدى. بۇل تۋرالى ۇلتتىق قاۋىپسىزدىك كوميتەتىنىڭ Facebook پاراقشاسىندا جاريالاندى.
«ۇلتتىق قاۋىپسىزدىك كوميتەتىنىڭ قىزمەتكەرلەرى جۇرگىزىلگەن جەدەل-تەرگەۋ ءىس-شارالارى اياسىندا زاڭسىز اقشا العانى ءۇشىن بىرقاتار كەدەن بەكەتىنىڭ 20-دان استام قىزمەتكەرىن ۇستادى. ولار از ۋاقىت ىشىندە ميلليونداعان تەڭگە, ون مىڭداعان دوللار جانە باسقا دا ۆاليۋتامەن ءىرى سومادا قارجى الدى» دەلىنگەن جازبادا.
انىقتالعانداي, كەدەن قىزمەتكەرلەرى قىتايدان وزبەكستانعا بەت العان جۇك كولىگىن قازاقستان ارقىلى قيىندىقسىز وتكىزۋ ءۇشىن پارا العان.
ۇلتتىق قاۋىپسىزدىك كوميتەتى جۇرگىزگەن ءىس-شارالار ناتيجەسىندە لاۋازىمدى تۇلعالار, كەدەن ورگاندارىنىڭ, سونداي-اق, فيتوسانيتاريالىق, ۆەتەرينارلىق جانە كولىكتى باقىلاۋ قىزمەتكەرلەرىنىڭ زاڭسىز ارەكەتى تىركەلدى.