قاجەتتى تاۋارلار مەن ءدارى-دارمەكتەردىڭ باعاسىنا قاتىستى ماسەلەلەر بويىنشا قالالىق پروكۋراتۋرانىڭ ءموبيلدى توبىمەن بايلانىسۋعا بولادى. بۇل تۋرالى نۇر-سۇلتان قالاسى اكىمدىگىنىڭ رەمي سايتى حابارلادى.
قازاقستاندا 1 ساۋىردەن باستاپ الەۋمەتتىك ماڭىزى بار ازىق-ت ۇلىك تاۋارلارىنا شەكتى بولشەك ساۋدا باعاسى ەنگىزىلدى.
اتاپ ايتقاندا, ءبىرىنشى سورتتى بيداي ۇنىنان جاسالعان ناننىڭ شەكتى بولشەك باعاسى – 150 تەڭگەنى, ءبىرىنشى سورتتى بيداي ۇنىنىڭ كەلىسى – 197 تەڭگەنى, ولشەمەلى كەسپە – 230 تەڭگەنى, ولشەمەلى ارپا جارماسى ء(دان) – 339 تەڭگەنى, وڭدەلگەن ولشەمەلى كۇرىش – 307 تەڭگەنى, سيىر ەتى (سۇيەكتەرى بار جاۋىرىن-كەۋدە بولىگى) – 2 113 تەڭگەنى, تاۋىق جۇمىرتقاسى (وندىق, ءبىرىنشى سانات) – 351 تەڭگەنى, كۇنباعىس مايى – 481 تەڭگەنى, اس تۇزى («ەكسترادان» باسقا) – 55 تەڭگەنى قۇرايدى.
«بەكىتىلگەن باعا مولشەرىن ارتتىرعانى ءۇشىن 265 100 تەڭگەدەن 530 200 تەڭگەگە دەيىنگى مولشەردە ايىپپۇل سالۋ تۋرالى اكىمشىلىك جاۋاپكەرشىلىك قاراستىرىلعان», - دەپ حابارلايدى قالالىق پروكۋراتۋرا.
كارانتين كەزىندە تۋىنداعان بارلىق ماسەلەلەر بويىنشا, تاۋارلار مەن ءدارى-دارمەكتەردى الۋدا الىپ-ساتارلىققا تاپ بولعان جاعدايدا نۇر-سۇلتان قالالىق پروكۋراتۋراسىنىڭ ءموبيلدى توبىنا 8 (7172) 71-24-97, 8-701-999-17-59 نومەرى ارقىلى حابارلاسۋعا بولادى.