«بىرلەسە كۇرەسسەك, بىرگە جەڭەمىز» بۇل - قازىر الىپ دەرجاۆالاردىڭ ساياسي سەرتى. سوعان ساي قىتاي رەسەيگە كوروناۆيرۋستان قورعانۋعا كومەكتەسپەك. قوس مەملەكەت ميلليونداعان قورعانىس كوستيۋمى مەن مەديتسينالىق ماسكاعا كەلىسىم جاسادى.
رەسەيدىڭ يندۋستريا جانە ساۋدا مينيسترلىگى باسشىسىنىڭ ورىنباسارى الەكسەي گرۋزدەۆتىڭ ايتۋىنشا, مەديتسينالىق قۇرىلعىلار ءساۋىر-مامىر ايلارىنىڭ باسىندا كەلەدى. گرۋزدەۆ سونىمەن بىرگە باق وكىلدەرىنە رەسەيدە انتيسەپتيك ءوندىرىسى ەداۋىر ارتقانىن ايتتى. بۇعان دەيىن يندۋستريا جانە ساۋدا مينيسترلىگى قىتاي رەسەيگە جالپى سالماعى 26 توننا گۋمانيتارلىق كومەك جىبەرگەنىن حابارلاعان بولاتىن. ونىڭ قۇرامىنا ينفراقىزىل تەرمومەترلەر, ماسكالار, رەسپيراتورلار, قورعانىس كوستيۋمدەرى جانە باسقا قورعانىس قۇرالدارى كىرگەن ەدى. بۇگىندە قوس ەلدىڭ دوستىعى كۇننەن كۇنگە نىعايىپ كەلە جاتقانداي.