قىزمەتتىڭ جاڭا ءتۇرى تۇعىندارعا قۇقىقتىق كەڭەستەردى ونلاين رەجيمدە الۋعا مۇمكىندىك بەرەدى, دەپ حابارلادى ەلوردا اكىمدىگىنىڭ ءباسپاسوز قىزمەتى.
جوبا قوعامدىق ءتارتىپتى قامتاماسىز ەتۋگە, زاڭسىز ارەكەتتەردىڭ الدىن الۋعا, سونداي-اق ازاماتتاردىڭ قۇقىعىن قامتاماسىز ەتۋگە باعىتتالعان.
سونىمەن قاتار «سەنىم» بىرىڭعاي قىزمەتىنىڭ ماقساتى – تۇرعىنداردىڭ قۇقىقتىق مادەنيەتىن كەڭەيتۋ, ولاردىڭ قوعامدىق ۇيىمدارعا دەگەن سەنىمىن نىعايتۋ. «العاشقى كەزەڭدەگى جوبانىڭ پيلوتتىق نۇسقاسىندا قۇقىقتىق كەڭەستەر 14 ادامعا ۇسىنىلعان بولاتىن. حابارلاسقان ازاماتتاردىڭ بارلىعى ءوزىنىڭ قۇقىقتىق ساۋاتتىلىعىن ارتتىرۋعا مۇددەلى ەكەندىگىن ايتتى», – دەيدى قورعاۋشى زاڭگەر اسەل مولداعاليەۆا.
ول كونسۋلتاتسيالىق قىزمەتتىڭ ەلىمىزدەگى توتەنشە جاعداي رەجيمىندە تەگىن كەڭەس الۋعا مۇمكىندىك بەرەتىن قولايلى قۇرال ەكەندىگىن اتاپ ءوتتى. جوبانى نۇر-سۇلتان قالاسى ىشكى ساياسات باسقارماسىنىڭ قولداۋىمەن ەلورداداعى قوعامدىق ۇيىمداردىڭ وكىلدەرى جۇزەگە اسىرىپ جاتىر.