كارانتين جاعدايىندا الماتى قالاسىنىڭ تۇرعىندارىنا مەديتسينالىق كومەك تولىق كولەمدە كورسەتىلىپ وتىر. بۇل تۋرالى بۇگىنگى ونلاين-بريفينگتە الماتىداعى قوعامدىق دەنساۋلىق ساقتاۋ باسقارماسىنىڭ ورىنباسارى اسەل بيسەنباەۆا.
– قالالىق ەمحانالار ءوز جۇمىسىن شتاتتىق رەجيمدە جالعاستىرىپ وتىر.
ەمحانا دارىگەرلەرىنىڭ جوسپارلى قابىلداۋى مەن كونسۋلتاتسيالارى بارىنشا قاشىقتىقتان قىزمەت كورسەتۋ فورماتىنا اۋىستىرىلدى. جوسپارلى مەديتسينالىق قىزمەتتەر (جوسپارلى ەمدەۋگە جاتقىزۋ, پروفيلاكتيكالىق تەكسەرۋلەر, سكرينينگتەر, وڭالتۋ) شەكتەلگەن.
جۇكتى ايەلدەر, بالالار جانە كىدىرىسسىز مەديتسينالىق كومەككە مۇقتاج پاتسيەنتتەر جازباسىز قابىلدانىپ وتىر. ەمحانالاردا اتالعان ساناتتاعى تۇلعالارعا مەديتسينالىق ماسكالار تەگىن بەرىلۋدە.
الدىن الا ەگۋدى قوسپاعاندا, بوساندىرۋ ۇيىمدارىندا (بتسج جانە ۆگۆ) جاڭا تۋعان نارەستەلەرگە پروفيلاكتيكالىق ەگۋدى جۇرگىزۋ ەرەكشە وكىم شىعارىلعانعا دەيىن توقتاتىلدى.
تۇرعىندار اراسىندا رەسپيراتورلىق اۋرۋلاردىڭ العاشقى بەلگىلەرى تۋرالى جانە وعان شۇعىل كورسەتۋسىز ەمحاناعا بارماۋ مۇمكىندىگى تۋرالى ءتۇسىندىرۋ جۇمىستارى جۇرگىزىلىپ جاتىر.
ءجىتى جاعدايدا پاتسيەنتتەر دارىگەردى ۇيگە شاقىرا الادى نەمەسە العاشقى مەديتسينالىق كومەك كورسەتۋ ءۇشىن بارلىق قاجەتتىلىكتەرمەن جابدىقتالعان ەمحانا جانىنداعى سۇزگى-كابينەتتەرىنە جۇگىنە الادى.
تەگىن امبۋلاتوريالىق دارىلىك قامتاماسىز ەتۋ شەڭبەرىندە پاتسيەنتتەرگە ۇيگە رەتسەپتەردى ونلاين-بەرۋ نەمەسە جەتكىزۋ ۇيىمداستىرىلدى.
65 جاستان اسقان ادامدارعا كورسەتكىشتەرى بويىنشا زەرتحانالىق تالداۋ ۇيدە جۇرگىزىلەدى. مەديتسينالىق قىزمەتكەرلەر تاۋەكەل توبىنا كىرەتىن قارت ادامدارعا كوشپەلى تەكسەرۋلەر جۇرگىزەدى.
پسيحولوگتار قارت ادامداردىڭ ۇيلەرىنە بارۋدا, ۇيدە بولۋ, قارىم-قاتىناستى شەكتەۋ, بارلىق ساقتىق شارالارىن ساقتاۋ قاجەتتىلىگى تۋرالى ءتۇسىندىرۋ جۇمىستارىن جۇرگىزىپ وتىر, – اسەل بيسەنباەۆا.