بۇل تۋرالى بۇگىن الماتى قالاسى اكىمدىگىنىڭ ءباسپاسوز ورتالىعىندا وتكەن ونلاين بريفينگتە قالالىق تاۋارلار مەن قىزمەتتەر ساپاسىن جانە قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا مالىمدەدى.
ء«بىز دەنساۋلىق ساقتاۋ مينيسترلىگىنىڭ تاپسىرماسى بويىنشا پنەۆمونيا جانە جرۆي-ءدىڭ اۋىر تۇرىمەن ستاتسيونارعا كەلەتىن ناۋقاستاردىڭ بارلىعىن كوروناۆيرۋس ينفەكتسياسىنا تەكسەرەتىن بولامىز. ازىرگە وكپە قابىنۋىنىڭ بەلگىلەرى بار 49 ادام تەكسەرىستەن ءوتتى. سونىڭ ىشىندە پنەۆمونياسى بار ءبىر ناۋقاستا قاۋىپتى ىندەت انىقتالدى. كەشە تەكسەرىلگەن, پنەۆمونيامەن اۋىراتىن 13 بالانىڭ بەسەۋىندە ىندەت انىقتالمادى. قالعاندارى زەرتتەلىپ جاتىر», – دەدى ا. مولداعاسىموۆا.
بۇگىندە ىندەتى تارالعان ەلدەردەن كەلەتىن ادامداردىڭ اراسىندا كوروناۆيرۋستىق ينفەكتسيانى انىقتاۋ جۇمىستارى جالعاسۋدا.
ايتا كەتۋ كەرەك, قاۋىپتى ىندەتكە تەكسەرىلەتىندەردىڭ قاتارى كەڭەيەدى. اسىرەسە, بۇل ساناتقا برونح-وكپە اۋرۋىنىڭ بەلگىلەرى بار ءارى ەسەپتە تۇرعان 60 جاستان اسقان ادامدار كىرەدى. بۇدان وزگە الدىڭعى شەپتە قىزمەت ەتىپ جۇرگەن مەدقىزمەتكەرلەر دە تەكسەرۋدەن وتەدى.
بريفينگتى قورىتىندىلاعان قالانىڭ باس سانيتارلىق دارىگەر ادامداردا جوتەل مەن دەنە قىزۋىنىڭ كوتەرىلۋ سياقتى بەلگىلەر پايدا بولعان جاعدايدا, جەدەل جاردەم شاقىرۋعا كەڭەس بەردى.