بۇگىن اسكەري-تەڭىز كۇشتەرىنىڭ جەكە قۇرامى ماڭىزدى وقيعانى - ونىڭ قۇرىلعانىنىڭ 27 جىلدىعىن اتاپ وتۋدە. بۇل تۋرالى «باتىس» وڭىرلىك قولباسشلىعى ءباسپاسوز قىزمەتى حابارلادى.
1993 جىلى 2 ساۋىردەن باستاپ جىل سايىن قازاقستان رەسپۋبليكاسى پرەزيدەنتىنىڭ جارلىعىنا سايكەس - قازاقستان رەسپۋبليكاسى قارۋلى كۇشتەرىنىڭ اسكەري-تەڭىز كۇشتەرىنىڭ قۇرىلعان كۇنى اتالىپ وتەدى.
اسكەري تەڭىزشىلەر ءۇشىن بۇل كۇن قازاقستان رەسپۋبليكاسى قارۋلى كۇشتەرىنىڭ دەربەس ءتۇرىنىڭ پايدا بولۋىن بىلدىرەدى.
ەلىمىزدىڭ اسكەري-تەڭىز كۇشتەرىنە كاسپي تەڭىزىنىڭ قازاقستاندىق سەكتورىنداعى تۇتاستىق پەن اۋماقتىق تۇتاستىقتى, مەملەكەتتىڭ ەگەمەندىگى مەن ەكونوميكالىق مۇددەلەرىن قورعاۋ, سونداي-اق كەمە ءجۇزۋدىڭ ناۆيگاتسيالىق جانە گيدروگرافيالىق قاۋىپسىزدىگى قازاقستان رەسپۋبليكاسى ءىىم توتەنشە جاعدايلار كوميتەتىمەن بىرلەسە وتىرىپ, ىزدەستىرۋ جانە قۇتقارۋ مىندەتى جۇكتەلگەن.
جىل سايىن كەمە ەكيپاجدارى كاسپي ماڭى ەلدەرىنىڭ جەر ءۇستى كەمەلەرىنىڭ ەكيپاجدارى اراسىندا تەڭىز كۇشتەرىنىڭ كۋبوگى اياسىندا تەڭىز جاتتىعۋلارى بويىنشا حالىقارالىق جارىستارعا قاتىسادى. جاۋىنگەرلىك دايىندىق جوسپارىنا سايكەس, اسكەري-تەڭىز كۇشتەرى كاسپي تەڭىزى اكۆاتورياسىندا اسكەري جاتتىعۋلار وتكىزىپ وتىرادى. وسى جارىستاردا اسكەري-تەڭىز كۇشتەرى ۇنەمى جۇلدەلەر الىپ, ءتۇرلى سىيلىقتارمەن كوتەرمەلەنەدى.
قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ كەمەلەرىن كاسپي جاعالاۋىنا شاقىرۋى جاقسى داستۇرگە اينالعان. اسكەري-تەڭىز كۇشتەرىنىڭ دامۋىنا بايلانىستى قازاقستان رەسپۋبليكاسىنىڭ قورعانىس مينيسترلىگى رەسەي فەدەراتسياسىنىڭ, اقش-تىڭ, تۇركيانىڭ, ءۇندىستاننىڭ, گەرمانيانىڭ, قىتايدىڭ جانە وڭتۇستىك كورەيانىڭ اسكەري وقۋ ورىندارىندا وفيتسەرلەر مەن كومانديرلەردى, تەڭىز ءىسى سالاسىنداعى مامانداردى دايارلاۋدى جۇرگىزۋدە.
كەلىسىمشارت بويىنشا اسكەري قىزمەتشىلەر قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ وقۋ ورتالىعىندا, اقتاۋ قالاسىندا وقيدى.
قازىرگى ۋاقىتتا اسكەري-تەڭىز كۇشتەرى زاماناۋي كەمەلەرمەن جانە وتاندىق جانە شەتەلدىك وندىرىستەرمەن جابدىقتالعان.
اسكەري-تەڭىز كۇشتەرى - بۇل قازاقستاننىڭ پاتريوتتارى, قازاقستان حالقىنا جانە ولاردىڭ زاڭدى تۇردە سايلانعان پرەزيدەنتىنە قىزمەت ەتە وتىرىپ, قازاقستان اسكەري-تەڭىز كۇشتەرىنىڭ داڭقتى داستۇرلەرىن جالعاستىرۋدا.