ەلدەگى توتەنشە جاعدايعا بايلانىستى مادەنيەت جانە سپورت مينيسترلىگىنە باعىنىستى وقۋ ورىندارى قاشىقتان وقىتۋ بويىنشا شارالاردى قولعا الدى. بۇل تۋرالى مينيستر اقتوتى رايىمقۇلوۆا ايتىپ بەردى.
«مادەنيەت, ونەر جانە سپورت سالاسى بويىنشا ءبىلىم بەرەتىن ۇيىمدار وقۋ پروتسەسىن ءبىلىم جانە عىلىم مينيسترلىگى ۇسىنعان نۇسقاۋلار مەن ادىستەمەلىك ماتەريالداردى سىناقتان وتكىزىپ كەلەدى, مەكتەپ-ينتەرنات, كوللەدج ۇستازدارى اسىرەسە, شالعاي ەلدى-مەكەندەردە تۇراتىن بالالاردىڭ جاعدايىن جان-جاقتى زەردەلەي كەلە «كۇندەلىك», «Googlە klass room», «ZOOM», «WhatsApp», «Telegram» سياقتى 5 پلاتفورمانى قولدانادى»,- دەدى اقتوتى رايىمقۇلوۆا.
ونيىڭ ايتۋىنشا, ۇيىمداستىرۋ بارىسىندا جوعارى جانە جوعارى وقۋ ورنىنان كەيىنگى ءبىلىم بەرۋ دەڭگەيلەرى بويىنشا «ايس Platonus» جانە قاشىقتان وقىتۋ جۇرگىزىلەتىن MOODLE, Zoom پلاتفورمالارىنا كوشتى.
«شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعى» دا مەملەكەتتىك ءتىلدى ونلاين وقىتۋدى باستاپ كەتتى», دەدى مينيستر.