قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىنا سايكەس 16 ناۋرىزدان باستاپ وبلىستا پەداگوگتاردىڭ بىلىكتىلىگىن ارتتىرۋ كۋرستارىنىڭ بارلىق تۇرلەرى توقتاتىلىپ, قاشىقتىقتان ءبىلىم بەرۋگە كوشىرىلدى.
سودان بەرى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ» فيليالى ماڭعىستاۋ وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى بۇل باعىتتا جان-جاقتى دايىندىق جۇمىستارىن جۇرگىزىپ, قاجەتتى اقپاراتتىق-تەحنولوگيالىق مۇمكىندىكتى پايدالانىپ, جوسپارلانعان با كۋرستارىنىڭ كونتەنتتەرىن جەدەل تۇردە ونلاين فورماتقا اۋىستىرۋدا. 30 ناۋرىزدان باستاپ كەيبىر مەملەكەتتىك كۋرستار ونلاين فورماتتا وقىتۋ باستالدى.
وقىتۋ شارالارى Google پلاتفورماسى جانە YouTube كانالى, Google Docs سەرۆيسى ارقىلى جۇزەگە اسادى. وسىندا كۋرس بويىنشا ۆيدەودارىستەر, پرەزەنتاتسيالار, باسقا دا بەينە ماتەريالدار, قوسىمشا ساندىق رەسۋرستار (تسور), قوسىمشا رەسۋرستارعا سىلتەمەلەر, ترەنەردىڭ تاپسىرمالارى, باقىلاۋ تەستتەرى, ءبىلىم الۋشى پەداگوگتەردىڭ ورىنداعان وزىندىك جۇمىس تاپسىرمالارى ورنالاستىرىلادى, وسىلايشا كەرى بايلانىس جاسالادى. سونداي-اق ترەنەرلەرىمىز وبلىس پەداگوگتەرىنە, اسىرەسە شالعاي اۋىلداردا تۇراتىندارعا, ونلاين رەجيمدە (ZOOM ستريمينگ پلاتفورما, Skype, WhatsApp جانە Telegram چاتى ارقىلى) ۆەبينارلار, ۆيدەوكۋچينگتەر ۇيىمداستىرۋ ارقىلى ادىستەمەلىك كومەكتەر بەرۋ, كۋرستان كەيىنگى سۇيەمەلدەۋدى جالعاستىرۋدا.
سوڭعى كەزدەگى پەداگوگتارمەن ءوزارا بايلانىس جاساۋدىڭ تاعى ءبىر باعىتى - مەكتەپ پەداگوگتەرىنە ۆيرتۋالدى كەڭەس وتكىزدىرىپ, ءتورتىنشى توقسانداعى پاندەر بويىنشا بەينە-ساباقتاردى دايىنداۋ رەتى جايلى ادىستەمەلىك ۇسىنىمدار بەرۋ جانە ۇسىنىلعان ۇزدىك جۇمىستار اراسىندا رەسپۋبليكالىق كونكۋرس ۇيىمداستىرىلادى. بۇل كونكۋرس قاشىقتىق فورماتتا ساباقتاردى ۇيىمداستىرۋ ماقساتىندا قر بجع مينيسترلىگىنىڭ تاپسىرماسى بويىنشا وتكىزىلەدى, ماڭىزدىسى, ەلىمىزدىڭ ۆيرتۋالدىق ءبىلىم بەرۋ كەڭىستىگىندە ءبىلىم بەرۋدىڭ ۇزدىك بەينە-ساباقتار قورىن قۇرۋ ءۇشىن.