ماڭعىستاۋ وبلىسى كارانتينگە جابىلادى

تارتىپتە 2020 جىلدىڭ 3 ءساۋىرى كۇنى ساعات 00:00-دەن باستاپ 2020 جىلدىڭ 15 ءساۋىرى كۇنى ساعات 07:00-گە دەيىن حالىقتىڭ ءومىر بەلسەندىلىگىن قامتاماسىز ەتۋشى اۆتوكولىكتەردى قوسپاعاندا, ازاماتتاردىڭ ماڭعىستاۋ وبلىسىنىڭ اۋماعىنا كىرۋ مەن شىعۋىنا تىيىم سالىنادى.

حالىقتىڭ ءومىر بەلسەندىلىگىن قامتاماسىز ەتۋشى اۆتوكولىكتەردى (ازىق-ت ۇلىك, ءدارى-دارمەكتەردى تاسىمالدايتىن جۇك جانە جەڭىل ماشينالار, سونىمەن قوسا توتەنشە جاعداي رەجيمىن قامتاماسىز ەتەتىن ارنايى جانە قىزمەتتىك كولىكتەر) قوسپاعاندا, وبلىس تۇرعىندارىنا قالالار مەن اۋداندار اراسىنا قاتىناۋعا تىيىم سالىنادى. سونداي-اق قوعامدىق كولىكتەرگە تەك ورىندىقتار سانى بويىنشا عانا جولاۋشىلار كىرگىزىلەدى جانە وبلىس تۇرعىندارىنىڭ ءومىر بەلسەندىلىگىن قامتاماسىز ەتۋشى مەديتسينالىق, پوليتسيا, اۆاريالىق-قۇتقارۋ جانە وزگە دە كوممۋنالدىق شۇعىل قىزمەتتەردىڭ (جىلۋ, گازبەن قامتۋ, سۋ جانە ەنەرگيامەن جابدىقتاۋ) ارەكەتتەرى شەكتەلمەيدى.

رەسمي جانە رەسمي ەمەس (تىركەلمەگەن) جەكە تاسىمالداۋشىلارعا (اۆتوبۋستار, گازەلدەر, تاكسي) وبلىستار, اۋداندار اراسىندا جولاۋشىلار تاسىمالداۋعا تىيىم سالىنادى جانە بارلىق اۆتوۆوكزالدار مەن اۆتوبەكەتتەردىڭ قىزمەتتەرى, تەڭىز ايلاقتارىندا ازىق-ت ۇلىك, ءدارى-دارمەكتەردى تاسىمالداۋدان وزگەلەرى, جولاۋشىلار تاسىمالداۋ توقتاتىلادى.

تۇرعىن ۇيلەردەن شىعۋعا ازىق-ت ۇلىك, ءدارى-دارمەكتەردى, ءبىرىنشى كەزەكتە قاجەتتى جانە مەديتسينالىق بۇيىمداردى ساتىپ الۋ, جۇمىسقا بارۋ,  مەديتسينالىق كومەككە جۇگىنۋ, كۇندىزگى ۋاقىتتا تۇراتىن جەرىنەن 200 مەتردەن اسپايتىن ارالىقتا ۇزاقتىعى 30 مينۋت بولاتىن, وزگە ادامدارمەن ارادا 1 مەتردەن كەم بولمايتىن قاشىقتىقتى ساقتاي وتىرىپ بالالارمەن سەرۋەندەۋگە جانە  كۇندىزگى ۋاقىتتا ءۇي جانۋارلارىن ۇزاقتىعى 30 مينۋت بولاتىن ۋاقىتقا شىعارۋعا بولادى. سونىمەن قاتار جاسى 65-تەن اسقان تۇرعىندار ەرەكشە قاجەتتىلىك بولماعان جاعدايدا ءوز پاتەرلەرى مەن ۇيلەرىنەن كوشەگە شىقپاۋى ءتيىس. بارلىق تۇرعىندار وزىمەن بىرگە جەكە باسىن كۋالاندىراتىن قۇجاتتارى: جەكە كۋالىگى, جۇرگىزۋشى كۋالىگى, تولقۇجاتى, تۇرۋعا رۇقسات بەرەتىن ىقتيارحاتى بولۋى ءتيىس. 

ازىق-ت ۇلىك ساتىلمايتىن ساۋدا ورتالىقتارىنىڭ, بولەك تۇرعان ازىق-ت ۇلىك ساتىلمايتىن دۇكەندەردىڭ, اۆتوسالونداردىڭ, اۆتوبولشەكتەر ساتاتىن سالونداردىڭ, گۇل پاۆيلوندارىنىڭ, حيميالىق تازالاۋ, كىر جۋ, فوتواتەلەلەردىڭ, فوتوسالونداردىڭ, وپتيكالاردىڭ, لومباردتاردىڭ, جىلجىمايتىن م ۇلىك اگەنتتىكتەرىنىڭ, اۆتوجۋ, تەحنيكالىق قىزمەت كورسەتۋ بەكەتتەرىنىڭ, ساۋنالاردىڭ, مونشالاردىڭ, فيتنەس-كلۋبتاردىڭ, كاراوكە, تاتۋ – سالونداردىڭ, اۋديو, ۆيدەو جازاتىن ستۋديالاردىڭ, ۇيالى بايلانىس بولىمدەرىنىڭ, تەاترلاردىڭ, كينوتەاترلاردىڭ, ترەناجيور زالدارىنىڭ, سپورتتىق كەشەندەردىڭ, باسسەيندەردىڭ, سۇلۋلىق سالوندارىنىڭ, سپا-ورتالىقتارىنىڭ, تىرناق ستۋديالارىنىڭ, باربەرشوپتاردىڭ, شاشتاراز كابينەتتەرىنىڭ, كومپيۋتەرلىك كلۋبتاردىڭ, جايلارداعى بالالار ويىن الاڭدارىنىڭ, بايلانىسقا تۇسەرلىك زووباقتاردىڭ, مۇز ايدىندارىنىڭ, كورمەلەردىڭ, بالالاردى دامىتۋ ورتالىقتارىنىڭ جانە وزگە دە وسى سياقتى قىزمەت كورسەتۋ نىساندارىنىڭ قىزمەتى توقتاتىلادى. مەيرامحانا, ءدامحانا, بارلاردىڭ, اسحانالاردىڭ جانە وزگە قوعامدىق تاماقتانۋ نىساندارىنىڭ جۇمىسىنا تەك «تۇتىنۋشىلارعا دەيىن جەتكىزۋ» ءپرينتسيپى بويىنشا ساعات 07:00-دەن 22:00-گە دەيىن جۇمىس ىستەۋگە رۇقسات ەتىلەدى.