بۇل تۋرالى ەلوردا اكىمىنىڭ ورىنباسارى ماليكا بەكتۇروۆا تەلەگرام كانالىنا جازدى
«سەرگەك» ترافيگىنىڭ يندەكسى 2020 جىلدىڭ 12 ناۋرىزىنان باستاپ ەلوردا جولدارىندا كولىك سانى 71%-عا ازايعانىن كورسەتەدى.
سالىستىرۋ ءۇشىن «سەرگەك» جۇيەسىنىڭ كارانتينگە دەيىنگى جانە تج جاريالانىپ, كارانتين ەنگىزىلگەننەن كەيىنگى قالىپتى كۇندەرىندەگى قالالىق ترافيكتىڭ دەرەكتەرى پايدالانىلدى.
«كارانتيننەن بۇرىن كەز كەلگەن جۇمىس كۇنى بۇل كورسەتكىش – 0,5 باللعا تەڭ بولعان, ال تۇندە, قالا تىم-تىرىس كەزدە – 4.6 باللعا جەتەتىن. كارانتين كەزىندە قالالىق قىزمەتتەردىڭ, پوليتسيانىڭ, جەدەل جاردەمنىڭ, تاماق جەتكىزۋ جانە تاعى باسقا قىزمەتتەردىڭ كولىك قوزعالىسىن ەسەپكە الساق, ەڭ جوعارى بال 4,5-عا تەڭەسۋى مۇمكىن» دەپ جازادى م.بەكتۇروۆا.
كەشەندى شارالار مەن قالا تۇرعىندارىنىڭ سانا-سەزىمىنىڭ ارقاسىندا قالالىق بەلسەندىلىكتى تومەندەتۋگە جانە ازاماتتاردىڭ ءوزىن-ءوزى قورعاۋىن ارتتىرۋعا قول جەتكىزىلدى. وسى جۇمىستى ءارى قاراي جالعاستىرىپ, كۇش بىرىكتىرۋ ارقىلى ۆيرۋستىڭ تارالۋىنا توسقاۋىل بولايىق!