اقپارات جانە قوعامدىق دامۋ ءمينيسترى داۋرەن اباەۆ توتەنشە جاعداي ەرەجەلەرىن ساقتاعان جاعدايدا ەلدەگى كارانتين ەرتەرەك اياقتالاتىنىن ايتتى.
ء«اربىرىمىز ۇيدە بولۋىمىز كەرەك. وسى ەرەجەنى نەعۇرلىم دۇرىس جاساساق, كارانتين دە سوعۇرلىم تەز اياقتالادى. قازىر كارانتيندى ۇزارتۋ تۋرالى ايتۋ ەرتە. ەشكىم ەپيدەميالىق جاعدايدىڭ قالاي بولاتىنىن ناقتى ايتا المايدى. بىراق ءبىز بارلىعىنا دايىن بولۋىمىز كەرەك», دەدى داۋرەن اباەۆ.
ونىڭ ايتۋىنشا, مەملەكەت باسشىسىنىڭ كەشەگى مالىمدەمەسىندە ايتىلعان بارلىق شارالار جاعداي كۇردەلەنىپ كەتسە دە تىنىشتىق پەن تۇراقتىلىقتى ساقتاۋدىڭ كەپىلى بولماق.
«ول ءۇشىن بىزدە قاجەتتى شارتتاردىڭ بارلىعى جاسالعان. مەملەكەت باسشىسى تاپسىرماسى بويىنشا ناقتى جۇمىس جوسپارى مەن ۇلتتىق قوردا جينالعان قاراجات بار. وسى رەتتە قورعا قاراجات جيناۋ تۋرالى شەشىم ەلباسى كورەگەندىگىنىڭ تاعى دا ءبىر دالەلى دەپ ايتۋعا بولادى», دەدى مينيستر.