اقتاۋ اۋەجايىندا بارلىق ىشكى رەيستەر ۋاقىتشا توقتاتىلدى

30 ناۋرىز كۇنى اقتاۋدان اتىراۋ مەن اقتوبەگە جولاۋشىلار ۇشاعى ۇشىپ, ءبىر ايعا دەيىن ۋاقىتشا توقتاتىلدى. ەرتەڭ ەل ىشىنە ۇشاتىن سوڭعى «اقتاۋ-كوكشەتاۋ-اقتاۋ» اۋە رەيسى كوككە كوتەرىلەدى.

- ۇكىمەتتىك كوميسسيانىڭ قاۋلىسى بويىنشا ەندى تەك جۇك تاسىمالدايتىن ۇشاقتاردى قابىلداي الامىز جانە اسكەري ۇشاقتار ۇشۋى مۇمكىن. ولار مەملەكەتتىڭ تاپسىرماسىمەن ۇشادى, - دەدى اقتاۋ حالىقارالىق اۋەجايىنىڭ ديرەكتورى ەرعازى جولداسوۆ.

ديرەكتوردىڭ ايتۋىنشا, بارلىق ۇشاق جولاۋشىلارىن ارنايى كيىم كيگەن ەپيدەميولوگ ماماندار قارسى الىپ, تەپلوۆيزورمەن تەكسەرىپ جاتىر. جولاۋشىلاردىڭ ءتىزىمى الىنىپ, ونىڭ قايدان, قاشان وتىرعانى جازىلىپ الىندى.

ايتا كەتەيىك, 27 ناۋرىز كۇنى اقتاۋ اۋەجايىندا بارلىق حالىقارالىق اۋە رەيستەرى توقتاتىلعان بولاتىن.

ماڭعىستاۋ وبلىسى