كارانتين قازاقستان ەكونوميكاسىنا قىسىم جاساۋدا. ۇكىمەت بولگەن قارجىنىڭ ەكونوميكانى قولداۋعا جەتەتىنىنە كوپتەگەن ساراپشىلار كۇماندانىپ وتىر.
ەڭ كوپ زارداپ شەگىپ جاتقاندار كىمدەر؟ ون مىڭداعان, ءجۇز مىڭداعان قاراپايىم ادامنىڭ تاعدىرى نەشىك؟
قازىر وسىنداي قاراپايىم سۇراقتاردىڭ وزىنە جاۋاپ تابۋ, الداعىنى بولجاۋ وڭاي بولماي وتىر. قارجى ساراپشىسى اندرەي چەبوتارەۆ, رەسەيدەگى جاعدايمەن سالىستىرا وتىرىپ, ەرتەڭىمىزدى باجايلاپ كوردى. "ساۋدا-ونەركاسىپ پالاتاسى رەسەي ەكونوميكاسىنىڭ كوروناۆيرۋستان كەلگەن شىعىنىن ەسەپتەدى. 8,6 ميلليون ادام جۇمىسسىز قالعان, 3 ميلليون كاسىپكەردىڭ شارۋاسى كۇيرەگەن. شاعىن بيزنەس وكىلدەرىنىڭ ۇشتەن ءبىرى عانا ءبىر توقساننان ارى مەرزىمگە شىداي الاتىنىن ايتقان" - دەيدى, اندرەي چەبوتارەۆ.
رەسەي مەن ءبىزدىڭ ەكونوميكا قۇرىلىمى ۇقساس. قازاقستاندا قازىر 8,8 ميلليون ادام جۇمىس ىستەسە, 12 پايىزدىق تومەندەۋدى ەسكەرە وتىرىپ, 1 ميلليون ادام جۇمىسىنان ايرىلادى دەپ بولجاۋعا بولادى. قازىر قازاقستاندا 841 مىڭ جەكە كاسىپكەر تىركەلگەن. ولاردىڭ 75 پايىزى شىداي المايدى دەسەك, وندا 640 مىڭ كاسىپكەر بانكروتقا ۇشىرايتىن بولادى.
ءار جەكە كاسىپكەر وزىنەن بولەك كەمىندە 2 ادامعا جۇمىس بەرىپ وتىرعانىن ەسكەرسەك, وندا 3 ميلليونعا جۋىق ادام تابىسىنان ايرىلىپ, داعدارىسپەن بەتپە-بەت كەلەتىن بولىپ تۇر. وسى 3 ميلليوننىڭ وتباسى, بالا-شاعاسى بار. ناتيجەسىندە شامامەن 9 ميلليون ادام كۇيزەلىسكە ۇشىراماق. بۇل قازاقستاننىڭ تەڭ جارتىسى.
ء"بىزدى كوروناۆيرۋس ولتىرمەسە, ودان كەيىن كەلەتىن اشتىق ءولتىرۋى مۇمكىن" - دەيدى, ساراپشىلار. امەريكا قۇراما شتاتتارىنىڭ كارانتيندى قاتاڭداتۋدان ءۇزىلدى-كەسىلدى باس تارتىپ وتىرعانى دا سودان. ونداعى ەكونوميكا ينستيتۋتتارى كارانتيندى سوزعانداعى شىعىندى الدىن-الا ەسەپتەگەننىڭ وزىندە جاعا ۇستاعان بولاتىن.