وبلىس ورتالىعىنداعى «كاۋستيك» اق – حالىقارالىق جوعارى ساپا ستاندارتتارىنا سايكەس جۇمىس جاسايتىن زاماناۋي حيميا ءوندىرىسى.
زاۋىت ونىمدەرى ەكونوميكانىڭ كوپتەگەن سالالارىندا: مۇناي, حيميا, مەديتسينا, تاماق ونەركاسىبى, ءتۇستى جانە قارا مەتاللۋرگيادا قولدانىلادى.
كاسىپورىن كاۋستيكالىق سودا, سۇيىق حلور, تۇز قىشقىلىن, سونداي-اق ناتريدىڭ تەحنيكالىق گيپوحلوريتىن شىعارادى.
سونىمەن بىرگە, كاسىپورنىندا شىعارىلاتىن حلورلى كونتسەنترات سۇيىقتىق عيماراتتاردى, تۇرعىن ۇيلەردىڭ پودەزدەرىن دەزينفەكتسيالاۋعا قاجەت.
ءوندىرىس تاۋلىگىنە 52 توننا سۇيىقتىق شىعارادى. ەلىمىزدىڭ وڭىرلەرىنەن تۇسەتىن سۇرانىس تا از ەمەس. جىلىنا 3 مىڭ تونناعا دەيىن سۇيىقتىق شىعاراتىن مۇمكىندىگى بار.
جۋىردا الماتىعا 250 توننا حلورلى كونتسەنترات جونەلتىلگەن.
-جالپى, دۇنيەجۇزىلىك دەنساۋلىق ساقتاۋ ۇيىمى, سىرقاتتاردى باقىلاۋ جونىندەگى ەۋروپالىق ورتالىق حلورلى كونتسەنتراتتى دەزينفەكتانت رەتىندە ۇسىنادى. سۇيىقتىق ۆيرۋستى بىردەن جويۋدى. ءونىمنىڭ سەرتيفيكاتى, ءتيىستى رۇقساتتىق قۇجاتتارى بار, تيىمىدىلىگى, قاۋىپسىزدىگى راستالعان, - دەيدى مامان ۆ.راگۋلين.
قاجەت سىلتەمە: مىسالى, توتەنشە جاعداي ۋاقىتىندا وبلىس ورتالىعىن دەزينفەكتسيالاۋ ءۇشىن 60 توننا سۇيىقتىق قاجەت.
عيماراتتارعا, پودەزدەرگە دەزينفەكتسيا جاساۋ ءۇشىن حلورلى كونتسەنتراتتىڭ 180 گرامىن 1 ليتر سۋعا ارالاستىرۋ قاجەت.
نە بولماسا 10 ليترلىك ىدىسقا 2 ستاقان پرەپارات قۇيىپ, وڭدەۋ جۇمىستارىن جۇرگىزەدى. سۇيىقتىق قۇرالدىڭ 0,1 پايىزدىق كونتسەنتراتسياسى بالالار, ءۇي جانۋارلارى مەن قۇستارعا قاۋىپتى ەمەس.
بىراق, بۇل سۇيىقتىق دۇكەندەردەگى ەركىن ساۋدادا جوق. تەك ءىرى كاسىپورىندار مەن مەكەمەلەرگە تەمىر جول تسيستەرنالارىمەن جەتكىزىلەدى.
كەيىن بۇل كومپانيالار سۇيىقتىقتان دەزينفەكتسيالىق قۇرالدار دايىنداپ, تۇرعىنداردىڭ پايدالانۋىنا ىڭعايلى بولۋى ءۇشىن كىشىگىرىم پلاستيكالىق بوتەلكەلەرگە قۇيىپ, ساتىلىمعا شىعارادى
پاۆلودار وبلىسى