نۇر-سۇلتاندا 31 ناۋرىزدان باستاپ كارانتين رەجيمىن بۇزعانداردىڭ كولىكتەرىن ايىپپۇل تۇراعىنا الىپ كەتەدى. قوسىمشا 4 ايىپپۇل تۇراعى اشىلدى. پوليتسيا قىزمەتكەرلەرى باقىلاۋدى كۇشەيتتى. ولار تاۋلىك بويى قالادا كەزەكشىلىك جۇمىستارىن اتقارىلىپ جاتىر. ءموبيلدى توپتار, جاياۋ ناريادتار جۇمىلدىرىلدى. وتكىزۋ-باقىلاۋ بەكەتتەرىندەگى جاعدايدى درون ارقىلى قاداعالاپ جاتىر.
28 جانە 29 ناۋرىزدا كوشەگە سەبەپسىز شىققانى ءۇشىن 200-گە جۋىق تۇرعىن پوليتسياعا جەتكىزىلدى: 77 ادامعا ايىپپۇل سالىندى, ىستەردىڭ ءبىر بولىگى سوتقا جىبەرىلدى. جالپى 22-29 ناۋرىز ارالىعىندا تج رەجيمىن بۇزعانى ءۇشىن اكىمشىلىك جاۋاپكەرشىلىككە 300-دەن استام ازامات تارتىلدى, ونىڭ 75-ءى قاماۋعا الىندى. 200-گە جۋىق ادامعا ايىپپۇل سالىندى. 2000-عا جۋىق تۇرعىنمەن پروفيلاكتيكالىق اڭگىمە جۇرگىزىلدى.
ەرتەڭنەن باستاپ شارالار كۇشەيتىلەدى. جۇمىس ورنىنان انىقتاما نەمەسە ۇيدەن شىعۋعا ناقتى سەبەپ بولماعان جاعدايدا ءتارتىپبۇزۋشىلاردىڭ ماشينالارى ايىپپۇل تۇراعىنا جىبەرىلەدى. تۇرعىندارعا ۇيدەن تەك جاقىن ماڭداعى ازىق-ت ۇلىك دۇكەندەرىنە, دارىحانالارعا, سونداي-اق مەديتسينالىق قىزمەت الۋعا جانە قىزمەتىنە رۇقسات ەتىلگەن جاعدايدا جۇمىسقا شىعۋعا رۇقسات.
ەلوردالىق پوليتسەيلەر ءتارتىپبۇزۋشىلار بازاسىن تولىقتىرماۋعا شاقىرادى, «وزىڭىزگە جانە جاقىندارىڭىزعا قاۋىپ توندىرمەڭىز, كوروناۆيرۋس ينفەكتسياسىنىڭ تارالۋىن الدىن-الۋ قاجەت. ءوزىڭىزدىڭ جانە ءبىزدىڭ ۋاقىتىمىزدى بەكەر جۇمساماڭىز - كارانتين ەرەجەلەرىن ساقتاۋ قاجەت».