اتىراۋدا ازاماتتىق ورتالىق بازاسىندا قۇرىلعان ۆولونتەرلەر شتابى 5 باعىتتى قامتيتىن بولدى.
- اتىراۋ قالاسىندا كارانتين مەن وبلىس اۋماعىندا شەكتەۋلەردىڭ ەنگىزىلۋىنە بايلانىستى ۆولونتەرلەر شتابى قۇرىلدى. شتابقا قالانىڭ كەز كەلگەن تۇرعىنى ەرىكتى بولا الادى. ولار سۇرانىسقا يە سالالاردا جۇمىس ىستەيدى, - دەپ حابارلادى وڭىرلىك كوممۋنيكاتسيالار قىزمەتى.
ۆولونتەرلەر شتابى بەس باعىتتى قامتيدى. سونىڭ ىشىندە اۆتو-ەرىكتىلەر تۇرعىندارعا ازىق-ت ۇلىك پەن ءدارى-دارمەكتەردى جەتكىزۋدى كوزدەپ وتىر. ال, مەديتسينا ەرىكتىلەرى جەدەل جاردەم ستانتسياسىنىڭ ماماندارىنا, سەس ەرىكتىلەرى دەزينفەكتسيا جۇمىستارىن اتقارۋعا كومەكشى بولادى. سونداي-اق, ەرىكتىلەردىڭ كەلەسى توبى پوليتسيا قىزمەتكەرلەرىمەن قوعامدىق ءتارتىپتىڭ ساقتالۋىن قاداعالايدى. بىرنەشە مارتە قولداناتىن مەديتسينالىق ماسكا تىگۋگە ەرىكتىلەر تىگىنشىلەر بىلەك سىبانا كىرىسپەك.
جۇماسات عازيز