ماڭعىستاۋ وبلىسىنىڭ پوليتسيا دەپارتامەنتى ازاماتتاردىڭ ءومىرى مەن دەنساۋلىعىن قورعاۋ, كوروناۆيرۋستىق ينفەكتسيانىڭ (COVID-19) تارالۋىنا جول بەرمەۋ جانە الدىن الۋ ماقساتىندا وبلىس اۋماعىنداعى ءىس-قيمىلدار الگوريتمىن ازىرلەدى.بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
بۇل الگوريتمدە تۇرعىنداردىڭ پاتەردەن, ۇيلەردەن شىعۋىن شەكتەۋ, تەك قاجەت بولعان جاعدايدا عانا (ازىق-ت ۇلىك دۇكەندەرىنە, دارىحانالارعا, قوقىس شىعارۋعا جانە جۇمىسقا) رۇقسات ەتۋ كوزدەلگەن. سونداي-اق دۇكەندەردە جانە ءدارىحانالاردا تۇراتىن نەمەسە جۇمىس ورنىنا تىكەلەي جاقىن جەردە ازىق-ت ۇلىك تاۋارلارىن, دارىلىك پرەپاراتتاردى جانە مەديتسينالىق بۇيىمداردى ساتىپ الۋعا, جۇمىس ورنىنان انىقتاما نە ۇيىمدار ءۇشىن قىزمەتتىك كۋالىك بولعان جاعدايدا تۇرعىلىقتى جەرىنەن جۇمىس ورنىنا دەيىن جانە كەرى قاراي جۇرۋگە قۇقىعى بار. قاجەت بولعان جاعدايدا پوليتسيا قىزمەتكەرى جەكە باسىن كۋالاندىراتىن قۇجاتتى كورسەتۋدى سۇرايدى, كوشەدە بولۋ ماقساتىن انىقتايدى, تەكسەرۋ ءۇشىن كورسەتىلگەن ورىنعا دەيىن شىعارىپ سالادى.
سونىمەن قاتار, ازاماتتاردىڭ قوعامدىق ورىنداردا: ساياباقتار, سكۆەرلەر, جاعالاۋلار, كوشە بالالار ويىن الاڭدارى جانە ازاماتتاردىڭ باسقا دا دەمالىس ورىندارى سياقتى بولۋىن شەكتەۋ كوزدەلگەن, جاعداي بويىنشا ءۇي جانۋارلارىن تۇرعىلىقتى جەرىنە جاقىن جەردە سەرۋەندەتۋگە رۇقسات ەتىلەدى.
ماڭعىستاۋ وبلىسى اۋماعىندا توتەنشە جاعداي ارەكەت ەتكەن كەزەڭدە 65 جاستان اسقان ادامدارعا وسى الگوريتمنىڭ 1-تارماعىندا كورسەتىلگەن جاعدايلاردى قوسپاعاندا, اسا قاجەتسىز كوشەگە شىعۋدى شەكتەۋ ۇسىنىلسىن.
توتەنشە جاعداي مەن كارانتين قولدانىلاتىن كەزەڭدە بەلگىلەنگەن جوعارىدا كورسەتىلگەن تالاپتاردى بۇزۋ نە ورىنداماۋ انىقتالعان كەزدە ءتيىستى اكىمشىلىك شارالار قابىلداناتىن بولادى. توتەنشە جاعداي رەجيمى بۇزىلعان جاعدايدا ازاماتتار قر اقبتك-ءنىڭ 476-بابى بويىنشا اكىمشىلىك جاۋاپكەرشىلىككە تارتىلۋى مۇمكىن, ياعني توتەنشە جاعداي رەجيمىن بۇزۋ تۋرالى ازاماتتار ەسكەرتىلەدى.
ازاماتتاردىڭ قوعامدىق ورىنداردا, ساياباقتاردا, سكۆەرلەردە جانە ت.ب. جەرلەردە بولۋىنا جول بەرمەۋ ماقساتىندا پوليتسيا ەنگىزىلگەن شەكتەۋلەردى ساقتاۋ بويىنشا پاترۋلدەۋ ۇيىمداستىردى.
ماڭعىستاۋ وبلىستىق پوليتسيا دەپارتامەنتى اتا-انالاردى ءوز بالالارىمەن ءۇي ەسىكتەرىن, وتباسى مۇشەلەرىنەن باسقا بەيتانىس ادامدارعا پاتەرلەرىن اشۋعا بولمايتىندىعى تۋرالى الدىن الۋ اڭگىمە جۇرگىزۋىن سۇرايدى. بالالار كانيكۋلدا بولعاندىقتان, ءتارتىپ ەرەجەلەرىنە سايكەس بالالاردى باقىلاۋ سۇرالدى.
ماڭعىستاۋ وبلىسى