2020 جىلعى 1 ءساۋىر ساعات 00:00 - دەن باستاپ نۇر-سۇلتان قالاسىنا بارلىق حالىقارالىق تۇراقتى جانە ەۆاكۋاتسيالىق جولاۋشىلار اۆيارەيستەرىنىڭ كەلۋى توقتاتىلاتىن بولادى. بۇل تۋرالى كولىكتەگى باس مەملەكەتتىك سانيتارلىق دارىگەر سادۋاقاس بايعابىلوۆتىڭ قاۋلىسىندا ايتىلعان.
«2020 جىلعى 1 ءساۋىر ساعات 00.00-دەن باستاپ بارلىق حالىقارالىق تۇراقتى جانە ەۆاكۋاتسيالىق جولاۋشىلار اۆيارەيستەرىنىڭ نۇر – سۇلتان حالىقارالىق اۋەجايى مەن الماتى حالىقارالىق اۋەجايىنا ۇشىپ كەلۋى ەرەكشە وكىمگە دەيىن توقتاتىلسىن», - دەلىنگەن قاۋلىدا. حالىقارالىق جولاۋشى اۋە رەيستەرى 2020 جىلدىڭ 1 ساۋىرىنەن باستاپ قازاقستاننىڭ باسقا قالالارىنا باعىتتالادى.
بۇل شارالار كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن ەنگىزىلەدى.