28 ناۋرىز كۇنى كەشكە قاراقيا اۋدانى پوليتسيا ءبولىمىنىڭ جەرگىلىكتى پوليتسيا قىزمەتى وبلىستىق دەپارتامەنتتىڭ كريمينالدىق پوليتسيا باسقارماسىمەن بىرلەسىپ وتكىزگەن جەدەل-الدىن الۋ شاراسى كەزىندە «ۋاز» اۆتوكولىگىن توقتاتتى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
تەكسەرۋ بارىسىندا جالپى سالماعى 79 كەلى بولاتىن 20 دانا بەكiرە تۇقىمداس بالىق انىقتالىپ, تاركىلەندى.
كۇدىكتىگە قاتىستى «سيرەك كەزدەسەتىن جانە قۇرىپ كەتۋ قاۋپى تونگەن تۇرلەرگە, سونداي-اق, تىيىم سالىنعان وسىمدىكتەر مەن جانۋارلاردىڭ تۇرلەرىنە, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ» بابى بويىنشا سوتقا دەيىنگى تەرگەۋ امالدارى باستالدى.
كولىك ايىپپۇل تۇراعىنا جابىلدى.
ماڭعىستاۋ وبلىسى