وسى ۋاقىتقا دەيىن الماتىدا ىندەتكە شالدىققان 67 ناۋقاس بولسا, بەس ادامنىڭ ساۋىعىپ, 14 كۇندىك ءۇي كارانتينىنە شىققانىن قۋانا حابارلاعان بولاتىنبىز. بۇلار – ءۇش ەر ادام, 1 ايەل كىسى جانە 12 جاسار قىز بالا. جەكسەنبى كۇنى تاعى 2 ادام ەمدەلىپ, وتباسىنا ورالدى.
بۇگىن, جەكسەنبى كۇنى قالالىق جۇقپالى اۋرۋلار ستاتسيونارلارىندا بارلىعى 60 ناۋقاس كوروناۆيرۋستىق ينفەكتسيادان ەمدەلىپ جاتىر.
جاڭادان انىقتالعان 9 ناۋقاستىڭ 6-ۋى ينفەكتسيا جۇقتىرعاندارمەن بايلانىستا بولعاندار. ءبىر ايەل ادام 19 ناۋرىزدا مينسك–الماتى رەيسىمەن, ءبىر پاتسيەنت دۋبلين–ىستامبۇل–الماتى باعىتىمەن جانە ءبىر ادام ىستامبۇل–الماتى رەيسىمەن ۇشىپ كەلگەن.
جالپى العاندا, بۇگىنگى كۇنى پروۆيزورلىق ورتالىقتاردا 1032 ادام بار. ونىڭ 122-ءسى – بالا, 159 ادام كارانتيندىك وقشاۋلاۋدا, 1514 ادام ءۇي كارانتينىندە وتىر.
الماتى