بۇگىن, 28 ناۋرىز كۇنى الماتىدا قالالىق بالالار جۇقپالى اۋرۋلار اۋرۋحاناسىنان COVID-19 انىقتالعان 12 جاسار قىز ەمدەلىپ, ۇيىنە شىقتى.
ول ۆيرۋسقا قارسى ەمدەۋ مەن سيمپتوماتيكالىق تەراپيانىڭ تولىق كۋرسىن الدى. اۋرۋ جەڭىل تۇردە ءوتتى.
ەستەرىڭىزگە سالا كەتەيىك, قىز 13 ناۋرىزعا قاراعان ءتۇنى بەرلين-مينسك-الماتى چارتەرلىك رەيسىمەن ۇشىپ كەلگەن بولاتىن. ەكيپاجدى قوسا العاندا بارلىق بورت وقشاۋلانعان.
ناتيجەسىندە, بۇل – بۇگىنگى كۇنى ستاتسيوناردان شىققان ءۇشىنشى ناۋقاس.
بارلىق بوساتىلعان ناۋقاستار كلينيكانىڭ مەديتسينالىق قىزمەتكەرلەرىنىڭ باقىلاۋىمەن ۇيگە 14 كۇندىك كارانتينگە جىبەرىلدى.