ەلوردادا ەكسپرەسس جانە قالا ماڭى باعدارلارىنىڭ قوزعالىسى توقتايدى

شەكتەۋ شارالارى كارانتين اياقتالعانعا دەيىن ساقتالادى.

پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ شەشىمىنە سايكەس, 28 ناۋرىز ساعات 00.00-دەن باستاپ بىرقاتار قوسىمشا قاتاڭ شارالار بەكىتىلدى.

ولاردىڭ ءبىرى - قوعامدىق كولىك جۇمىسىن كەزەڭ-كەزەڭمەن شەكتەۋ. اتاپ ايتساق, كەلەسى باعدارلاردىڭ قوزعالىسى توقتاتىلادى:

№103 جانە 104 ەكسپرەسس باعدارلارى; №302, 303, 304, 306, 307, 313, 314, 319, 320, 321, 322, 326 قالا ماڭىنا قاتىنايتىن باعدارلار (قوسشى, تايتوبە, جىبەك جولى, تالاپكەر, قوياندى, قىزىلسۋات, ى. التىنسارين جانە «نۇرلى» اۋىلدارى). ەسكە سالا كەتەيىك, وسىعان دەيىن №№ 300, 301, 305, 308, 309, 310, 311, 312, 315, 316, 317 , 318 قالا ماڭىنا قاتىنايتىن باعدارلاردىڭ جانە №100, 101, 102, 105 ەكسپرەسس باعدارلاردىڭ قوزعالىسى توقتاتىلعان بولاتىن.

شەكتەۋ شارالارى كارانتين اياقتالعانعا دەيىن ساقتالادى.