سوڭعى كەزدەرى قازاققا جات, جەر قوينىنا بەرىلگەن دەنەنى قايتا قازىپ الۋ, ياعني ەكسگۋماتسيا كوبەيىپ كەتتى. وعان مۇردەگە دەر كەزىندە ساراپتاما جۇرگىزىلمەۋى سەبەپ بولىپ وتىر. ەكى جىل بۇرىن سوققىعا جىعىلىپ, پىشاقتالعان, سوڭىنان وتا ۇستىندە قايتىس بولعان بولدىرعان قاليبەكوۆانىڭ ۇلىنا دا جاقىندا عانا ەكسگۋماتسيا جاسالعان ەكەن. بۇل تۋرالى «31» تەلەارنا حابارلادى.
ب. قاليبەكوۆانىڭ ايتۋىنشا, بالاسىن ولتىرگەندەر بوستاندىقتا ءجۇر. ولار جەسىر قالعان كەلىننىڭ تۋىستارى كورىنەدى. سوندىقتان ول ەكى جارىم جىل بويى قۇقىق قورعاۋ ورگاندارىنىڭ تابالدىرىعىن توزدىرعان. قايتىس بولعان بالاسى دەنەسىنىڭ ساۋ جەرى قالماعانىن بيىل وعان ەكسگۋماتسيا جاساعان ساراپشى ماماندار دا دالەلدەپ وتىر. ەندى جاڭا تابىلعان ايعاقتار بويىنشا تەرگەۋ امالدارى قايتا جۇرگىزىلەدى.
دانيار تۇيمەباي.