بۇگىن, 27 ناۋرىز تۇسكى 12.00 كەزىندەگى ەپيدەميولوگيالىق جاعدايدا بايلانىستى الماتى اكىمدىگىنىڭ ءباسپاسوز ورتالىعىندا قوعامدىق دەنساۋلىق باسقارماسى باسشىسى تىلەۋحان ابىلداەۆ كەزەكتى ونلاين-بريفينگىن وتكىزدى.
تىلەۋحان ابىلداەۆتىڭ مالىمەتى بويىنشا, بۇگىن الماتىدا كوروناۆيرۋستىق ينفەكتسياسى بار پاتسيەنتتەردىڭ 48 راستالعان جاعدايى انىقتالدى. قالانىڭ قالالىق جۇقپالى اۋرۋلار ستاتسيونارلارىندا 47 پاتسيەنت بار جانە 1 پاتسيەنت جازىلدى.
جاڭادان انىقتالعان بەس ادامنىڭ ىشىنەن تورتەۋى 26 ناۋرىزدا مينسك–الماتى رەيسىمەن, تاعى ەكەۋى 26 ناۋرىزدا ماسكەۋ–الماتى رەيسىمەن ۇشىپ كەلگەن.
اۋىرعانداردىڭ ءبىرى 15 ناۋرىزدا ىستامبۇل–الماتى رەيسىمەن ۇشىپ كەلگەن ناۋقاسپەن جاقىن بايلانىستا بولعاندىقتان 18 ناۋرىزدا وقشاۋلانعان, باستاپقى تالداۋ قورىتىندىلارى تەرىس ناتيجە بەرگەن. 2020 جىلعى 26 ناۋرىزدا تالداۋدى قايتا تاپسىرعان كەزدە وڭ ناتيجە شىقتى, وسى ۋاقىتتا ول وقشاۋلاۋدا بولدى.
جالپى 45 ناۋقاستىڭ جاي-كۇيى – قاناعاتتانارلىق, ءوجج اپپاراتىنداعى ايەلدىڭ جاعدايى اۋىر جانە 1 بالانىڭ جاعدايى ورتاشا اۋىر, بىراق جاقسارىپ كەلە جاتقانى بايقالادى.
ء«بىر پاتسيەنتتىڭ كەشە ۇيىنە شىعارىلعاندىعىن ەستەرىڭىزگە سالا كەتەيىك. بۇل پاتسيەنت ەندى ەمحانا قىزمەتكەرلەرىنىڭ 14 كۇندىك باقىلاۋىمەن ۇيدە جاتىر.
قازىرگى ۋاقىتتا پروۆيزورلىق ورتالىقتاردا 1099 ادام بار, ونىڭ ىشىندە 72-ءى – بالا. كارانتيندىك ورتالىقتاردا 471 ادام بار. ءۇي كارانتينىندە 2037 ادام بار.
كارانتيندەگى بارلىق ادامنىڭ دەنە تەمپەراتۋراسى قالىپتى جاعدايدا, كاتارالدىق سيمپتومدارى جوق.
ەلگە قايسىبىر ەلدەن ۇشىپ كەلسە دە, اناليز تاپسىرۋ ءۇشىن ەكى كۇندىك كارانتينگە ورنالاستىرىلاتىندىعىن ەستەرىڭىزگە سالا كەتەيىك. مۇنداي شارالار حالىق اراسىندا كوروناۆيرۋستىق ينفەكتسيانىڭ تارالۋىن بولدىرماۋ ءۇشىن قابىلداندى. ولاردان COVID-19-عا تالداۋلار الىناتىن بولادى, ەگەر ينفەكتسيا راستالماسا, ولار ۇيلەرىنە شىعارىلادى» دەدى قوعامدىق دەنساۋلىق باسقارماسىنىڭ باسشىسى.
سونداي-اق, جۋرناليستەر بريفينگ بارىسىندا ەلوردادا قايتىس بولعان ناۋقاستىڭ الماتىدا قوناقتا بولعانى تۋرالى اقپاراتتىڭ قانشالىقتى شىندىققا جاناساتىندىعىن سۇرادى.
قالالىق قوعامدىق دەنساۋلىق باسقارماسى باسشىسى مارقۇممەن الماتىدا قويان-قولتىق بايلانىستا بولعان التى ادامنىڭ گوسپيتالگە وقشاۋلانعانىن مالىمدەدى. جانە ىندەتتەن كوز جۇمعان ادامعا بايلانىستى بارلىق ءتيىستى اقپاراتتاردىڭ بار ەكەنىن اتادى.
الماتى