كوكتەم كەلىسىمەن بەينەكامەرالار ارقىلى 12 قىلمىس پەن 1800-دەن استام قۇقىق بۇزۋشىلىق اشىلدى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
اقتاۋ قالاسى اۋماعىندا قازىرگى تاڭدا 128 بەينەباقىلاۋ كامەرالار ورناتىلىپ, جۇمىس جاساۋدا. قالالىق پوليتسيانىڭ جەدەل باسقارۋ ورتالىعىنىڭ كامەرالارى قالانىڭ جاندانعان كوشەلەرىن كورسەتىپ تۇر, ونىڭ ىشىندە جول قيىلىستار, اۋلالار, تەڭىز جاعالاۋ ايماعى, قوعامدىق ورىندار.
اشىلعان قىلمىستاردىڭ ىشىندە ۇرلىق دەرەكتەرى دە بار.
ماسەلەن, اقتاۋ قالاسى پوليتسيا باسقارماسىنىڭ جبو-نا ءدارىحانادا تۇرعان ساداقا جاشىگىن بەلگىسىز ەر ادام ۇرلاپ كەتكەندىگى تۋرالى حابارلاما ءتۇستى. كامەرا ارقىلى قاراۋ بارىسىندا سۋرەتتەلگەن ەر ادامعا ۇقساس كۇدىكتى انىقتالدى. جبو-نىڭ نۇسقاۋىنا سايكەس پوليتسيانىڭ كەشەندى كۇشى جاساعىمەن كۇدىكتى تۇلعا ۇستالدى. وسىنداي جانە وسىعان ۇقساس جاعدايلار جبو قىزمەتكەرلەرىمەن انىقتالادى.
اكىمشىلىك قۇقىق بۇزۋشىلىق بويىنشا ايتار بولساق, بەينەباقىلاۋ كامەرالارىنىڭ قاتىسۋىمەن ۇساق بۇزاقىلىق, الكوگول ىشىمدىگىن ءىشۋ نەمەسە ماس كۇيىندە قوعامدىق ورىندا ءجۇرۋ, قوعامدىق ورىنداردا تەمەكى تارتۋ تىيىمىن بۇزۋ, ججە, ت.س.س. دەرەكتەر انىقتالادى.
ماڭعىستاۋ وبلىسى