كارانتين كەزىندە تەك ازىق-تۇلكى دۇكەندەرى مەن سۋپەرماركەتتەر جۇمىس ىستەيدى. قالالىق كاسىپكەرلىك ءبولىمى, پروكۋراتۋرا, اكىمدىك پەن جەرگىلىكتى پوليتسەيلەر ساۋدا ورىندارىنداعى توتەنشە رەجيمدى قاداعالادى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
ماڭعىستاۋ وبلىسى اكىمىنىڭ نۇسقاۋى بويىنشا اقتاۋ قالاسى پب ۋچاسكەلىك پوليتسيا ينسپەكتورلارى قالالىق اكىمدىك جانە پروكۋراتۋرا وكىلدەرىمەن بىرلەسىپ بازارلاردىڭ, ساۋدا ورتالىقتارىنىڭ, قوعامدىق ورىنداردىڭ جۇمىسىنا تەكسەرۋ جۇرگىزدى.
ازاماتتاردىڭ قاۋىپسىزدىگىن قامتاماسىز ەتۋ ءۇشىن قازاقستان رەسپۋبليكاسى پرەزيدەنتىنىڭ جارلىعىمەن ادامدار كوپ جينالاتىن وبەكتىلەردىڭ قىزمەتى شەكتەلگەن, ءارتۇرلى ءىس-شارالار وتكىزۋگە تىيىم سالىنعان.
توتەنشە جاعدايعا بايلانىستى ماڭعىستاۋ وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى پوليتسيا پولكوۆنيگى امانگەلدى حالمۇرادوۆ جەكە قۇرام اراسىندا ءتۇسىندىرۋ جۇمىستارىن جۇرگىزىپ, ناقتى نۇسقاۋ بەردى. جۇمىس توپتارى قۇرىلدى, وندا ولاردىڭ ارقايسىسى جۇمىس ەرەجە نورمالارىن بۇزۋدى انىقتاۋ بويىنشا وبەكتىلەردى تەكسەرەدى.
سونداي-اق, بۇل شارا جاڭاوزەن قالاسىندا دا ءوتتى.ادام كوپ شوعىرلاناتىن اۋماعى 2 مىڭ شارشى مەتردەن اساتىن جاڭاوزەندەگى بارلىق ساۋدا ورىندارىنىڭ جۇمىس ۋاقىتى شەكتەۋلى. تەكسەرۋ بارىسىندا, جاڭاوزەن قالاسىنىڭ مامانداندىرىلعان اكىمشىلىك سوتىنىڭ قاۋلىلارىمەن توتەنشە جاعداي رەجيمىن بۇزعانى ءۇشىن اكىمشىلىك قۇقىق بۇزۋشىلىق تۋرالى قر كودەكسىنىڭ 476-بابىنىڭ 6) تارماعىمەن 4 تۇلعا ء(ار قايسىسى) 5 تاۋلىككە اكىمشىلىك قاماققا الىندى, ال 1 تۇلعاعا 10 ايلىق ەسەپتىك كورسەتكىش مولشەرىندە ايىپپۇل سالىندى.مۇنداي جۇمىس كۇن سايىن جالعاسادى.
ماڭعىستاۋ وبلىسى