مەملەكەت باسشىسى نۇرسۇلتان نازارباەۆ قازاقستان رەسپۋبليكاسى پارلامەنتى سەناتىنىڭ جاڭادان تاعايىندالعان دەپۋتاتتارىمەن كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ قازاقستان رەسپۋبليكاسى پارلامەنتى سەناتىنىڭ جاڭادان تاعايىندالعان دەپۋتاتتارىمەن كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ كونستيتۋتسياعا سايكەس پارلامەنت سەناتىنىڭ 15 دەپۋتاتىن مەملەكەت باسشىسى تاعايىندايتىنىن اتاپ ءوتتى.
– تاعايىندالعان سەنات دەپۋتاتتارىنىڭ ءبىر بولىگىنىڭ وكىلەتتىگى اياقتالعاندىقتان, مەن سىزدەردىڭ پارلامەنتتىڭ جوعارى پالاتاسىنىڭ دەپۋتاتتارى بولىپ تاعايىندالعاندارىڭىزدى جاريالاۋ ءۇشىن شاقىردىم. سىزدەردى جاڭا ورىندا جۇمىس ىستەۋ ءۇشىن قاجەتتى تاجىريبەسى بار لايىقتى كانديداتتار دەپ سانايمىن, – دەدى قازاقستان پرەزيدەنتى.
مەملەكەت باسشىسى ەنگىزىلەتىن زاڭ جوبالارىن جان-جاقتى زەرتتەۋدى, سىندارلى پىكىرتالاس جۇرگىزە ءبىلۋدى جانە ءاردايىم ەلدىڭ مۇددەسىن قورعاۋعا دايىن تۇرۋدى تالاپ ەتەتىن جاڭا جۇمىستىڭ ماڭىزدىلىعىنا توقتالدى.
جاڭادان تاعايىندالعان دەپۋتاتتار مەملەكەت باسشىسىنا سەنىم كورسەتكەنى ءۇشىن العىس ايتىپ, قازاقستان ازاماتتارىنىڭ تۇرمىسىن جاقسارتۋعا باعىتتالعان سەناتتىڭ زاڭ شىعارۋشى قىزمەتىنە بەلسەنە اتسالىساتىنىنا سەنىم ءبىلدىردى.