«زەنچەنكو جانە ك» كومانديتتىك سەرىكتەستىگىندە وبلىس اگرارشىلارى جينالىپ, بيىلعى وراق ناۋقانىن جوعارى ۇيىمشىلدىقپەن وتكىزۋ ماسەلەلەرىن تالقىلادى. سەمينار-كەڭەستى ايماق باسشىسى سامات ەسكەندىروۆ اشىپ, الدا جاڭا استىقتى ىسىراپسىز جيناپ الۋ مىندەتى تۇرعانىن, بۇل ورايدا مەملەكەتتىك قولداۋ شارالارى جان-جاقتى قاراستىرىلىپ وتىرعانىن اتاپ ءوتتى.وبلىس اكىمىنىڭ ءبىرىنشى ورىنباسارى ايداربەك ساپاروۆ كۇزگى وراققا دايىندىق شارالارىمەن تانىستىردى.
«زەنچەنكو جانە ك» كومانديتتىك سەرىكتەستىگىندە وبلىس اگرارشىلارى جينالىپ, بيىلعى وراق ناۋقانىن جوعارى ۇيىمشىلدىقپەن وتكىزۋ ماسەلەلەرىن تالقىلادى. سەمينار-كەڭەستى ايماق باسشىسى سامات ەسكەندىروۆ اشىپ, الدا جاڭا استىقتى ىسىراپسىز جيناپ الۋ مىندەتى تۇرعانىن, بۇل ورايدا مەملەكەتتىك قولداۋ شارالارى جان-جاقتى قاراستىرىلىپ وتىرعانىن اتاپ ءوتتى.وبلىس اكىمىنىڭ ءبىرىنشى ورىنباسارى ايداربەك ساپاروۆ كۇزگى وراققا دايىندىق شارالارىمەن تانىستىردى. وتان قامباسىنا كەمى 5 ميلليون توننا ەل ريزىعىن جونەلتۋ كوزدەلگەن. كوكتەمگى-كۇزگى دالا جۇمىستارىنا ۇكىمەت جەڭىلدەتىلگەن باعامەن 72 مىڭ توننا ديزەل وتىنىن بولگەن. «ا.باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ» ديرەكتورى جەكسەنباي قاسقارباەۆ, ع.مۇسىرەپوۆ اۋدانىنىڭ اكىمى مارات تاسماعانبەتوۆ, «زەنچەنكو جانە ك» كومانديتتىك سەرىكتەستىگىنىڭ ديرەكتورى گەننادي زەنچەنكو, تاعى باسقالار ءوز سوزدەرىندە ماڭداي تەرمەن وسىرىلگەن ەگىندى شاشاۋسىز جيناپ الۋ جولدارىن تىلگە تيەك ەتتى.
سەمينار-كەڭەس اياقتالعاننان كەيىن س. ەسكەندىروۆ مەملەكەتتىك ۆەتەرينارلىق ۇيىمداردىڭ ماتەريالدىق-تەحنيكالىق بازاسىن نىعايتۋ ماقساتىمەن رەسپۋبليكالىق قازىنادان 217 اۆتوموبيل ساتىپ الۋعا 756 ميلليون تەڭگە بولىنگەنىن جەتكىزە كەلىپ, اۋداندىق, پەتروپاۆل قالالىق ۆەتەريناريا ستانساسى باسشىلارىنا «سانيونگ» جانە» ۋاز» كولىكتەرىنىڭ كىلتتەرىن سالتاناتتى تۇردە تابىس ەتتى. اۋىلدىق وكرۋگتەردەگى مالدارىگەرلىك قوسىندارى «نيۆا» كولىكتەرىنە يە بولدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى,
قىزىلجار اۋدانى.