ماڭعىستاۋدا 2020 جىلعا جوسپارلانعان جوبالاردىڭ ىشىندەگى ەڭ ماڭىزدىلارى دەپ «Aktau Tourism City Ltd» اقتاۋ اۋماعىندا «جىلى جاعاجاي» اۋماعىندا تۋريستىك-قوناق ءۇي كەشەنىنىڭ قۇرىلىسى, «تۇپقاراعان اۋدانىندا قۇس فابريكاسىنىڭ قۇرىلىسى» «اقتاۋ-اگرو» جشس جانە «PERAPLASTIC SEZ» جشس پوليپروپيلەن قاپتاماسىن ءوندىرۋ جوبالارى اتالدى.
ءوڭىردىڭ اۋىل شارۋاشىلىعى سالاسىندا 2 جوبانى ىسكە قوسۋ كوزدەلگەن. ونىڭ ءبىرى قۇنى - 438,7 ملن تەڭگە تۇراتىن «جامالبەك» جشس-نىڭ مۇنايلى اۋدانىندا بورداقىلاۋ زاۋىتىنىڭ قۇرىلىسى. جوبادا 30 جۇمىس ورنى قۇرىلادى دەپ كۇتىلەدى, 2020 جىلدىڭ ءبىرىنشى جارتىجىلدىعى پايدالانۋعا بەرىلمەك. سونداي-اق, «اقتاۋ-اگرو» جشس تۇپقاراعان اۋدانىندا قۇس فابريكاسىنىڭ قۇرىلىسىن سالۋعا كىرىستى. 2020 جىلدىڭ ءبىرىنشى جارتىجىلدىعى پايدالانۋعا بەرىلۋى بەلگىلەنگەن قۇنى1300 ملن تەڭگەگە ەسەپتەلگەن جوبا جۇزەگە اسقاندا 91 جۇمىس ورنى قۇرىلماق.
ال قىزمەت كورسەتۋ سالاسىندا «قاۋىپسىز اۋلا» CCTV جۇيەلەرىن ەنگىزۋ جانە قىزمەت كورسەتۋ, سۇيىتىلعان گاز ساقتاۋ قويماسىن قايتا قۇرۋ سىندى ەكى جوبانى ىسكە قوسۋ جوسپارلانعان. اقتاۋ قالاسىندا «Dynamics business Technologies» جشس قولعا العان «قاۋىپسىز اۋلا» جوباسىنىڭ قۇنى 1906 ملن تەڭگە بولسا,7 جۇمىس ورنى قۇرىلادى دەپ كۇتىلەدى جانە قولدانىسقا ەنگىزۋ مەرزىمى 2020 جىلدىڭ 1 جارتىجىلدىعى. قازىرگى تاڭدا 70 دانا كولەمىندە تىرەكتەردىڭ ىرگەتاسى قالاندى, ولاردى ورناتۋ بويىنشا جۇمىستار جۇرگىزىلۋدە. ال سۇيىتىلعان گاز ساقتاۋ قويماسىن قايتا قۇرۋ ءىسى ماڭعىستاۋ يندۋستريالدى پاركى »جشس« اقتاۋوبلگاز» جشس-دە قولعا الىنعان. جوبا قۇنى - 350 ملن تەڭگە, 12 جۇمىس ورنى قۇرىلماق, جاڭا جوبا اعىمداعى جىلدىڭ ءبىرىنشى توقسانىندا پايدالانۋعا بەرىلەدى دەپ بەلگىلەنگەن.
ماڭعىستاۋ وبلىسى