ماس كۇيىندە كولىك جۇرگىزگەنى ءۇشىن اكىمشىلىك قاماۋ مەرزىمى 30 تاۋلىككە ۇزارتىلىپ, كولىك ايداۋ قۇقىعىنان ايىرۋ مەرزىمى 8 جىلعا ۇزارتىلدى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
سونداي-اق, بۇرىن ماس كۇيىندە كولىك جۇرگىزىپ, جۇرگىزۋشى كۋالىگىنەن ايرىلعاندار, ىشكىلىكتى كۇيدە رولگە قايتادان وتىراتىن بولسا كەشىرىم جوق. وسىنداي قىلمىس جاساعان ادام 10 جىلعا باس بوستاندىعىنان جانە ءومىر بويى كولىك باسقارۋ قۇقىعىنان ايىرىلادى.
ايتا كەتۋ كەرەك, وزگەرىستەردىڭ ءبارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جاڭا زاڭ جوباسىندا كورسەتىلگەن.