كوروناۆيرۋس عارىشتان كەلۋى مۇمكىن

ۇلىبريتانيانىڭ كارديففسك ۋنيۆەرسيتەتىنىڭ ەكزوبيولوگى چاندرا ۆيكراماسينگح ۆيرۋستىڭ وتكەن جىلى كۇز ايىندا قىتاي اۋماعىندا جارىلعان اسپان دەنەسىنەن جەرگە ءتۇسۋ مۇمكىندىگى تۋرالى بولجامدارىن ايتتى. جاڭا گيپوتەزادا كوروناۆيرۋس جارىلعان مەتەوريتتىڭ ىشىندە بولۋى مۇمكىن.

كوروناۆيرۋس جايىنداعى العاشقى بولجامداردا جارقاناتتار مەن باسقا دا جابايى جانۋارلاردان تارالۋ مۇمكىندىگى ايتىلسا, كەيىننەن ونىڭ جاساندى تۇردە تارالۋى جايىنداعى مالىمەتتەر دە ايتىلعانى بەلگىلى.ال اقش عالىمدارى ۆيرۋستىڭ تابيعي ەۆوليۋتسيا بارىسىندا پايدا بولعاندىعىن ايتادى. عالىمداردىڭ بولجامىنا سايكەس ۆيرۋس ادام اعزاسىنان تىس دامىعانجانە دە جانۋاردان جۇققان ۆيرۋس ادام اعزاسىنا تۇسكەندە قاۋىپتى تۇرگە اينالعان.

كۇردەلى رەسپيراتورلى COVID-19 ينفەكتسياسىنا شالدىقتىراتىن SARS-CoV-2 كوروناۆيرۋسىنىڭ باسقا پلانەتادان كەلگەندىگىن رەسەيلىك عالىم, مەديتسينا بيولوگيالىق ينستيتۋتىنىڭ ءبولىم مەڭگەرۋشىسى ۆ.يلين دە قۇپتاپ وتىرعاندىعى ايتىلادى, mk.ruدەرەكتەرىندە. الايدا, وعان ناقتى دالەلدەر كەلتىرۋ ءۇشىن ۆيرۋس ءتارىزدى دنق-نىڭ عارىشتا ۇزاق ۋاقىت قوزعالىسى بارىسىندا سينتەزدەلۋ مۇمكىندىگى زەرتتەلۋىقاجەت. عالىمنىڭ ايتۋىنشا, مۇنداي زەرتتەۋلەر 2023-2024 جىلدارى جۇرگىزىلەدى. ياعني, وربيتاعا «بيون-م»№ 2 عىلىمي اپپاراتى ۇشىرىلىپ, سىرتىنا مەتەوريت ءتارىزدى شۇڭقىرلى تاستار ورناتىلادى. ال وعان قوندىرىلعان باكتەريالار مەن بىرقاتار حيميالىق زاتتار وتە جوعارى تەمپەراتۋرادا وزگەرۋ مۇمكىندىگىباقىلاناتىن بولادى. وسى زەرتتەۋ نەگىزىندە ۆيرۋستىڭ عارىشتان جەرگە كەلۋ بولجامدارى تەكسەرىلەتىن بولادى.

ممۋ ۆيرۋسولوگيا جانە بيولوگيا كافەدراسىنىڭ پروفەسسورى ا.اگرانوۆسكي بۇل بولجام مەيلىنشە شىندىقپەن جانايسپايدى دەگەن پىكىرىن بىلدىرە كەلە ۆيكراماسينگح تەورياسىنىڭ ازداپ شىندىقپەن ۇيلەسەتىن تۇستارى بار ەكەندىگىن ايتادى. عالىمنىڭ پايىمداۋىنشا, كوروناۆيرۋس جەر بەتىنە عارىشتان ۇشىپ كەلگەنىمەن, ادامدارعا جانۋارلار ارقىلى تارالعان.