قىزىلوردا پوليتسەيلەرى وبلىستىڭ ءۇش تۇرعىنىن WhatsApp مەسسەندجەرى ارقىلى جالعان اقپارات تاراتقانى ءۇشىن قىلمىستىق جاۋاپكەرشىلىككە تارتتى. بۇل تۋرالى Polisia.kz سايتى حابارلايدى.
جالعان اقپارات تاراتىپ, جۇرتتى دۇرلىكتىرگەندەردىڭ ەكەۋى وبلىس ورتالىعىنان انىقتالعان. ءۇشىنشىسى جاڭاقورعان اۋدانىنىڭ تۇرعىنى بولىپ شىقتى. ول جەلى ارقىلى «اۋداندا 3 ادام كوروناۆيرۋس دەرتىنە شالدىقتى» دەگەن حابار تاراتقان. كۇدىكتىلەر ءوز ارەكەتتەرىن تولىق مويىنداپ وتىر.
بارلىق فاكتىلەر قر قىلمىستىق كودەكسىنىڭ 274-بابى 4-بولىگىمەن تىركەلدى.
- مۇنداي فاكتىلەردى انىقتاۋ ءۇشىن كۇن سايىن الەۋمەتتىك جەلىلەرگە مونيتورينگ جۇرگىزىلۋدە جانە جالعان اقپارات تاراتقانداردى انىقتايتىن قاجەتتى تەحنيكالىق مۇمكىندىكتەر بار, – دەدى وبلىستىق پوليتسيا دەپارتامەنتىنىڭ باستىعى سۇلتان بەكتورە.