تامىزدىڭ 22-ءسى كۇنى دانيانىڭ استاناسى – كوپەنگاگەن قالاسىنىڭ تۇرعىندارى ءوز ورتالىقتارىندا گانس حريستيان اندەرسەن ەرتەگىسىنىڭ كەيىپكەرى – رۋسالكانىڭ ستاتۋياسى ورناتىلعانىنا ءجۇز جىل تولعانىن كەڭ كولەمدە اتاپ ءوتتى. بۇل تۋرالى «گازەتا.رۋ» اگەنتتىگى حابارلادى.
بۇل كۇنى كوپەنگاگەننىڭ الدەنەشە مىڭداعان تۇرعىندارى مەن جۇزدەگەن قوناقتارى قالا پورتى جانىنداعى رۋسالكانىڭ ءمۇسىنى جانىنا جينالىپ, ءان سالىپ, ەرتەگى وقىدى. سونىمەن ءبىر مەزگىلدە سۋ پەرىسىنىڭ كيىمىن كيىپ العان كوپتەگەن جاس ايەلدەر ەسكەرتكىشتىڭ جانىندا سۋعا ءتۇستى.
رۋسالكا – دات استاناسىنداعى ايرىقشا نىشانداردىڭ ءبىرى. وسى كەزگە دەيىن ونىڭ, بىراق, كورمەگەنى دە جوق ەكەن. ءبىر كەزدەرى ەسكەرتكىشتى قيراتىپ تاستاماق بولىپ, ونى بالعامەن ۇرعىلاعاندار دا, ۇستىنە بوياۋ شاشقاندار دا بولىپتى. الايدا, قولادان قۇيىلعان تاس ءمۇسىن ءبارىبىر مىزعىماعان. ەسەسىنە, سوسىن ونى قورعايتىندار كوپتەپ تابىلعان.
مۇرات ايتقوجا.