اقتاۋ قالاسىنداعى نازارباەۆ زياتكەرلىك مەكتەبىنىڭ بيولوگيا ءپانى مۇعالىمى سالتانات ۋنباەۆا ءتورت جىلدان بەرى بيولوگيا ءپانىن Youtube جەلىسىندەگى ءوز كانالى ارقىلى وقىتىپ ءجۇر. ون ءتورت مىڭنان اسا كورەرمەنى بار مۇعالىم, بيولوگيا الەمىنىڭ قىزىقتى ساباقتارىن بالالارعا بارىنشا قىسقا ءارى قىزىقتى ەتىپ بەرۋگە تىرىسادى. بۇل تۋرالى اتالعان مەكتەپتىڭ ءباسپاسوز قىزمەتى حابارلادى.
– كانالدى 2015 جىلى جۇرگىزە باستادىم. زاماناۋي ءبىلىم بەرۋ ءادىسىن قولدانا وتىرىپ, ءوزىمدى مۇعالىم رەتىندە جاڭا قىرىمنان تانىعىم كەلدى. باسىندا ۆيدەوساباقتاردى ءتۇسىرۋ تەحنيكالىق تۇرعىدان قيىندىقتار تۋدىرعانىمەن, كەيىن ۇيرەنىپ كەتتىم. وقۋشىلارىم دا كانالدىڭ تيىمدىلىگىن ايتا باستادى, دەيدى جاس مۇعالىم.
بۇگىندە ۇستازدىڭ ارناسىندا جانۋارلاردىڭ جۇيكە جۇيەلەرىنىڭ تيپتەرىنەن باستاپ بۇلشىق ەتتەر اراسىنداعى بايلانىسقا دەيىنگى تاقىرىپتارداعى ۆيدەوساباقتار بار. مۇعالىمنىڭ ايتۋىنشا, ساباقتار وقۋشىلاردىڭ ۇسىنىسى مەن زياتكەرلىك مەكتەپتىڭ وقۋ باعارلاماسىنىڭ اياسىندا تۇسىرىلەدى. دەسە دە, وزگە دە جالپى ءبىلىم بەرۋ مەكتەپتەرىنىڭ وقۋشىلارى ۆيدەوساباقتار اياسىندا تۇسىنبەگەن سۇراقتارىنا جاۋاپ الىپ جاتاتىن كورىنەدى.
– قازىرگى تاڭدا جاراتىلىستانۋ باعىتىنداعى پاندەردى قازاق تىلىندە وقىتاتىن ونلاين-كانالدار وتە از. سوندىقتان ارنامداعى ساباقتار مەن تاقىرىپتار لەگىن كوبەيتۋدى جوسپارلاپ وتىرمىن. بيولوگيانىڭ قىر-سىرىن قىسقا ءارى نۇسقا تۇردە جەتكىزۋ ارقىلى وقۋشىلاردىڭ عىلىمعا قىزىعۋشىلىعىن ارتتىرعىم كەلەدى, - دەيدى سالتانات.
سونىمەن قاتار, جاس مۇعالىم ۆيدەوساباقتار نەگىزىندە ءىس ارەكەتتى زەرتتەۋ جۇمىسىن جاساعان.
ماڭعىستاۋ وبلىسى