وسكەمەن قالاسىندا عالامتور ارقىلى ەسىرتكى ساۋداسىمەن اينالىسقان توپ ۇستالدى. بۇل تۋرالى «24 kz» حابارلادى.
كۇدىكتىلەر ءبىر-بىرىمەن جاسىرىن نومىرمەن حابارلاسىپ, ەسىرتكىگە تاپسىرىس بەرىپ وتىرعان. ال كەلىسىمدى سومانى قولعا بەرمەي, تولەم تەرمينالى ارقىلى اۋدارعان. ەسىرتكى ساتۋشىلار اقشا تۇسىسىمەن عالامتور ارقىلى ەسىرتكىنىڭ قاي جەرگە جاسىرىلعانىن جازىپ جىبەرەدى. «ۇستالعانداردىڭ ەكەۋى وسكەمەن قالاسىنىڭ ازاماتتارى. ولاردىڭ عالامتور ارقىلى ەسىرتكى ساتىپ جۇرگەنى تۋرالى اقپارات بىزگە جىل باسىندا كەلىپ تۇسكەن ەدى. ساتۋشى مەن ساتىپ الۋشى اراسىندا ەشقانداي كەزدەسۋ بولماعاندىقتان, بۇل ءىستى اشۋ قۇقىق قورعاۋ قىزمەتكەرلەرىنە ءبىرتالاي قيىندىق تۋعىزدى», - دەيدى شىعىس قازاقستان وبلىستىق ىشكى ىستەر دەپارتامەنتى ەسىرتكى بيزنەسىمەن كۇرەس باسقارماسىنىڭ باستىعى ەدەش راحىمجانوۆ.
دانيار تۇيمەباي.