كوروناۆيرۋس جۇقتىرعاندار سانى كۇن ساناپ ارتىپ بارادى. بۇگىن, ياعني 21 ناۋرىزدا الەم بويىنشا 22 مىڭنان استام ادامنان Covid-19 ۆيرۋسى تابىلعان.
اسىرەسە, يتالياداعى جاعداي ۋشىعىپ تۇر. ءبىر كۇندە اپەننين تۇبەگىندە 6557 ادام كوروناۆيرۋس جۇقتىرعان. وسىلايشا, وسى ەلدەگى ناۋقاستانعاندار سانى 53 مىڭنان اسىپ كەتتى. سونداي-اق يتاليادا ءبىر كۇندە 793 ادام اجال قۇشتى. الەمدىك پاندەميا باستالعالى مۇنداي كورسەتكىش العاش رەت تىركەلىپ وتىر.
سونىمەن قاتار يسپانياداعى, فرانتسياداعى, گەرمانياداعى, اقش-تاعى احۋال دا كوڭىل كونشىتپەيدى. اتالعان ەلدەردە ءبىر كۇندە ناۋقاستانعاندار سانى ەكى مىڭنان اسىپ كەتكەن.
بۇعان دەيىن پاندەميانىڭ نەگىزگى وشاعى سانالعان يران مەن وڭتۇستىك كورەيادا جاعداي تۇراقتالىپ كەلەدى. يراندا ءبىر كۇندە 966 ادام اۋىرعان. بۇل – كەشەگى كورسەتكىشتەن ءبىرشاما از.
ايتا كەتۋ كەرەك, قازىرگى تاڭدا كوروناۆيرۋس الەمنىڭ 186 مەملەكەتى مەن تەرريتورياسىنا تارالدى. بۇگىنگە دەيىن ۆيرۋس جۇقتىرعاندار سانى 297 مىڭنان اسقان. 12775 ادام قازا تاپسا, 95 مىڭعا جۋىعى ناۋقاستان قۇلان-تازا ايىققان.