انگليا جەرىندە جىنىستىق قاتىناس جاساۋ ءۇشىن ايەلگە ءتيىستى دەگەن ايىپ تاعىلعان قازاقستان قۇراماسىنىڭ تاەكۆوندوشىسى ازامات تەڭىزباەۆ لوندوننىڭ ارانيى مەكەمەسىندە ءبىر اي وتىرعاننان كەيىن, ق ۇلىپ استىنان كەپىلدىك تولەۋ ارقىلى شىعارىلدى. بۇل تۋرالى بۇگىن Vesti.kz ءتىلشىسى حابارلادى.
تامىزدىڭ 23-ىندە اتالعان ءىس بويىنشا قازاقستاندىق سپورتشىنى سوت الدىندا ءبىرىنشى رەت تىڭداي جۇرگىزىلدى. وسى جەردە جاڭا قورعاۋشىلار تەڭىزباەۆ اعىلشىن ءتىلىن بىلمەگەندىكتەن, ءوز كىناسىن مويىنداۋ جونىندەگى تۇسىندىرمەگە قول قويىپ جىبەرگەن دەگەندى دالەلدەپ بەرە الدى. وسىعان بايلانىستى زاڭگەرلەر
قازاقستاندىق جىگىتتى كەپىلدىكپەن بوساتا تۇرۋ تۋرالى ۇسىنىس بەردى. سوت ۇسىنىستى قاناعاتتاندىردى.
ازامات كەلەسى تىڭداۋعا دەيىن لوندونعا ارنايى كەلگەن اناسى جازيرا تىلەشوۆامەن بىرگە تۇرا تۇرادى. ال ەندىگى تىڭداۋ 5 قىركۇيەك كۇنى وتەدى.
ەسكە سالا كەتەيىك, ازامات تەڭىزباەۆتىڭ باسىنان كەشكەن بۇل وقيعا قازاقستان قۇراماسى مەكسيكادان كەلە جاتقان جولدا بولىپ ەدى. ۇشاق جولاي لوندونعا قونعان كەزدە, 19 جاستاعى ءجاسوسپىرىمدى پوليتسەيلەر قاماۋعا الدى. سويتسە, رەيستەگى جولاۋشى ايەلدەردىڭ ءبىرى ونىڭ ۇستىنەن شاعىم جازا قويىپتى. ۇلىبريتانيا ازاماتشاسىنىڭ جازۋىنشا, قازاقستاندىق بوزبالا وعان ۇشاق ۇستىندە تيىسكەن كورىنەدى.
سۇلتان بوزايعىر.