جانداربەك بەكشين قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى قىزمەتىنەن كەتتى.
«قر دەنساۋلىق ساقتاۋ ءمينيسترى ەلجان ءبىرتانوۆتىڭ بۇيرىعىمەن بەكشين جانداربەك مۇحتار ۇلى قازاقستان رەسپۋبليكاسىنىڭ باس مەملەكەتتىك سانيتارلىق دارىگەرى قىزمەتىنەن بوساتىلدى. بىراق ول دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى توراعاسىنىڭ ورىنباسارى بولىپ ورنىندا قالدى. قازىرگى تاڭدا ول جۇمىس بابىمەن الماتىدا ءجۇر. ونىڭ ورنىنا دەپارتامەنت ديرەكتورى ەشماعامبەتوۆ ايجان سەرىكبايقىزى قازاقستان رەسپۋبليكاسىنىڭ باس مەملەكەتتىك سانيتارلىق دارىگەر قىزمەتىنە تاعايىندالدى», - دەدى قازاقپارات تىلشىسىنە مينيسترلىكتىڭ رەسمي وكىلى دياس احمەتشارىپ.
جانداربەك بەكشين 1958 جىلى قوستاناي وبلىسىندا دۇنيەگە كەلگەن. 2019 جىلدىڭ ماۋسىم ايىنان بەرى دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى جانە قاۋىپسىزدىگىن باقىلاۋ كوميتەتى توراعاسىنىڭ ورىنباسارى - باس مەملەكەتتىك سانيتارلىق دارىگەرى قىزمەتىن اتقارعان.