ەل ۇكىمەتى ءۇشىن الداعى كۇندەردە شەتەلدەگى بەس مىڭعا جۋىق قازاقستاندىق ءتۋريستى ەلگە قايتارۋ مىندەتى تۇر. وسىعان وراي 23 ناۋرىزدا 4 مىڭنان استام تۋريست ەلگە ورالاتىن بولدى.
قازىرگى كەزدە الەم بويىنشا اۋە رەيستەرىنىڭ جاپپاي ازايۋىنا بايلانىستى تۋريستەردى چارتەرلىك رەيستەرمەن جەتكىزۋ شارالارى جۇزەگە اسۋدا. بىراق ولاردى ەلگە جەتكىزۋ مەملەكەت ەسەبىنەن جۇرگىزىلمەيدى. مادەنيەت جانە سپورت مينيسترلىگى مالىمەتتەرىندە توتەنشە جاعداي كەزىندە 5526 قازاقستاندىق ءتۋريستىڭ شەتەلدەگى دەمالىستان باس تارتۋ قاجەتتىگى مەن سول كەزەڭدە 4 556 قازاقستاندىقتىڭ شەتەلدە ەكەندىگى ايتىلعان بولاتىن.