ەلىمىزدە ىندەت جۇقتىرعانداردىڭ سانى 52-گە ارتتى. كەشە الماتىدا تاعى ءبىر ناۋقاس تىركەلىپ, جۇقپالى دەرتكە شالدىققاندار 22 ادام بولسا, قاراعاندى قالاسىنان ەكى ناۋقاس انىقتالدى. ال نۇر-سۇلتان قالاسىندا 3 جاعداي تىركەلىپ, ناۋقاستاردىڭ سانى 28-گە جەتتى.
كەشە تۇسكە دەيىن دەنساۋلىق ساقتاۋ مينيسترلىگى ءۇش ناۋقاستىڭ جاڭادان تىركەلگەنىن حابارلادى. ارتىنشا مينيسترلىكتىڭ رەسمي وكىلى دياس احمەتشارىپ ناۋقاستاردىڭ جاعدايى جايلى باياندادى. ونىڭ ايتۋىنشا, قاراعاندى قالاسىنداعى ەكى ناۋقاس تا №0324 مينسك – قاراعاندى رەيسىمەن ۇشىپ كەلگەن قازاقستان ازاماتتارى. ولار 1971 جانە 1972 جىلدارى تۋعان. ال الماتىدا ءۇش ازامات ۆيرۋس جۇقتىرعان. ونىڭ ءبىرى بەرلين قالاسىنان ۇشىپ كەلگەن 1979 جىلعى ايەل بولسا, ەكىنشىسى فرانتسيادان ۇشىپ كەلگەن 1997 جىلعى ەر ادام. ءۇشىنشىسى – 1982 جىلعى ايەل ادام. بۇل كۇنى نۇر-سۇلتانعا 3 حالىقارالىق بورت كەلدى. جولاۋشىلاردى قارسى الۋ كەزىندە بارلىق قاجەتتى قاۋىپسىزدىك شارالارى ساقتالىپتى.
مينيسترلىكتىڭ سوڭعى اقپاراتىنا سۇيەنسەك, كەشەگى كۇنى 787 ادام ستاتسيوناردا كارانتينگە الىنسا, 2687 ازامات ءۇي كارانتينىندە جاتىر. ايتا كەتەيىك, اقپارات جانە قوعامدىق دامۋ ءمينيسترى داۋرەن اباەۆ قازاقستاندا كوروناۆيرۋس تۋرالى جاڭا سايتتىڭ ىسكە قوسىلعانىن حابارلادى. جاڭا www.coronavirus2020.kz سايتىندا توتەنشە جاعداي بويىنشا, كارانتين كەزىندەگى ءتارتىپ پەن مەملەكەتتىڭ كوروناۆيرۋسقا قارسى جاساپ جاتقان شارالارى, سونداي-اق, جەلىدە تاراعان جالعان مالىمەتتەردى تەرىسكە شىعارۋ سياقتى بارلىق وزەكتى اقپاراتتار جيناقتالماق.