ەلىمىزدە توتەنشە جاعداي ەنگىزىلگەلى مەيرامحانالاردىڭ جۇمىسى ۋاقىتشا توقتاتىلىپ, بەلگىلەنگەن وتباسىلىق شارالار كەيىنگە شەگەرىلگەن بولاتىن. وسىعان وراي, تويحانالارعا اقتاۋ قالالىق اكىمدىگىنىڭ قىزمەتكەرلەرىمەن رەيد ۇيىمداستىرىلىپ, ءتۇسىندىرۋ جۇمىستارى جۇرگىزىلدى, دەپ حابارلايدى اكىمدىكتىڭ ءباسپاسوز قىزمەتى.
«ەگەر قانداي دا ءبىر توي, شارا بولىپ جاتقانى انىقتالسا, قر اكىمشىلىك كودەكسىنىڭ 476 بابى بويىنشا مەيرامحانا يەسىنە 10 اەك كولەمىندە ايىپپۇل سالىنىپ, 15 كۇنگە باس بوستاندىعىنان ايىرىلۋ جازاسى تاعايىندالۋ مۇمكىن, ال ەگەر مەيرامحانادا بولعان ادامنان ينفەكتسيا تابىلسا, مەيرامحانا يەسىنە 2 مىڭ اەك نەمەسە 2 جىلعا باس بوستاندىعىنان ايىرىلۋ جازاسى تاعايىندالۋ مۇمكىن», - دەيدى اقتاۋ قالالىق كاسىپكەرلىك جانە ونەركاسىپتى دامىتۋ ءبولىمىنىڭ باس مامانى اسەت وتەعاليەۆ.
ايتا كەتەيىك, قازىرگى تاڭدا اقتاۋ قالاسى اۋماعىندا 41 مەيرامحانا بار. رەيد ناتيجەسىندە بارلىعىنىڭ جابىق تۇرعانى انىقتالدى.
ماڭعىستاۋ وبلىسى