سونىمەن قاتار ماڭعىستاۋعا شەتەلدىك جۇمىسشىلاردىڭ كەلۋىنە تىيىم سالىندى. بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسىنىڭ ينۆەستيتسيا جانە ءتۋريزمدى دامىتۋ باسقارما باسشىسىنىڭ ورىنباسارى تالعات ابدىقادىروۆ حابارلادى.
ماڭعىستاۋ وبلىسى اۋماعىندا ونەركاسىپ سالاسىندا 40-تان استام ءىرى جانە ورتا كاسىپورىندار جۇمىس ىستەيدى. «ماڭعىستاۋمۇنايگاز» اق, «قاراجانباسمۇناي» اق, «وزەنمۇنايگاز» اق, «كازازوت» اق, «بۇرعىلاۋ» جشس, «Oil Services Company» جشس جانە ت.ب. كاسىپورىن باسشىلارى وسىنداي ۇيعارىمعا كەلگەن.
ەنگىزىلگەن توتەنشە جاعدايعا بايلانىستى ءوڭىردىڭ ءىرى كاسىپورىندارى كوروناۆيرۋستىڭ تارالۋىنا جول بەرمەۋ ماقساتىندا بارلىق جينالىستاردى تەلەفون جانە بەينەكونفەرەنتسيا بايلانىسى ارقىلى وتكىزۋگە كوشتى.كاسىپورىن قىزمەتكەرلەرى جىل سايىنعى اقىلى ەڭبەك دەمالىسى پايدالانىلماعان كۇندەرىمەن ەڭبەك دەمالىسىنا جىبەرىلىپ جاتىر. سونداي-اق, بارلىق مادەني-بۇقارالىق ءىس-شارالار توقتاتىلىپ, كاسىپورىنداردا جەدەل شتاب وتىرىستارى كۇن سايىن وتكىزىلەدى.
ماڭعىستاۋ وبلىسى